بنت خالتي
بنت خالتي ماريسا بقالها سنتين بتخطط لفرحها.. كل تجمع أو عشا للعيلة بتتكلم أد ايه المفروض يومها يبقى مثالي.. ومش مسموح بأي استثناءات.. أي مفاجأت.. مش مسموح لأي حد يبان أحلى من العروسة..
قبل الفرح بـ 6 شهور بدأت رحلتي في خسارة الوزن.. مش عشان الفرح.. عشان نفسي.. أنا كان بقالي سنين بعاني مع صحتي وأخيرًا قررت إني أعمل تغيير.. لا نشرت حاجه على رحلتي دي.. والا كنت بروح تجمعات العيلة بحكم شغلي.. بكل هدوء كنت بروح الجيم وبغير عادات أكلي..
على الشهر الرابع كنت خسرت 20 كيلو.. ف الشهر الخامس كان إجمالي خسارة الوزن بتاعي 28 كيلو.. كل الناس بدأت تاخد بالها.. ماما عيطت لما شافتني ساعتها.. زمايلي في الشغل كانوا بيسألوني عن سري..
وبعدين ماريسا اكتشفت.. كلمتني قبل الفرح بـ 3 أسابيع بس.. صوتها كان بارد تلج.. قالت لي "سمعت إنك خسيتي؟"
قولت لها "أيوه.. أنا بقالي فترة بشتغل على نفسي"
سكتت شوية وبعدين سألتني "خسيتي أد ايه؟؟"
قولت لها "28 كيلو"
سكتت تاني وبعدين قالت لي "انتي لازم تزيديهم تاني قبل فرحي"
ضحكت لأني افتكرتها بتهزر.. بس هي ماكنتش بتهزر وقالت "انا بتكلم جد.. انتي هيبقى شكلك مختلف تمامًا ف الفرح عن المتوقع.. كل الناس هتركز معاكي بدل ما تركز معايا انا.. ده يومي أنا"
قولت لها "انا مش هزيد الوزن اللي خسرته تاني.. انا تعبت أوي لمدة 6 شهور عشان أخسره"
قفلت السكة ف وشي.. وتاني يوم أمها -خالتي- اتصلت بماما.. اتضح إن ماريسا
الوصيفة بتاعة ماريسا بعتت لي رسالة كاتبه فيها "ماريسا عايزاكي تلبسي فستان معين" وبعتت لي صورة الفستان.. كان أكبر من مقاسي بـ 3 نمر.. وأوحش درجة من درجات الأصفر المسطرده شوفتها ف حياتي..
كتبت لها "انا اشتريت بالفعل الفستان اللي هحضر بيه الفرح.. باللون اللي ماريسا كانت طلبته من الأول.."
ردت عليا وكتبت "ماريسا غيرت رأيها"
كتبت لها "انا مش هغير الفستان"..
ساعتها العيلة كلها بقت تبعت على جروب الشات بتاع العيلة.. ماريسا كتبت رسالة طويلة عن ازاي أنا متعمدة بحاول أخرب يوم فرحها.. وازاي مقولتش لحد إني بخس عشان اجي الفرح أستعرض قدام الناس.. واسرق الاهتمام.. وازاي انا غيرانه من سعادتها وإن دي طريقتي إني انتقم منها!!
معرفش انتقم على ايه!! معنديش أدنى فكرة..
خالتي كتبت إني المفروض ألبس الفستان اللي ماريسا اختارته عشان معملش مشاكل.. وخالي كتب إني أنانيه.. و3 من قرايبنا عمري ما اتكلمت معاهم كتبوا إني محتاجة أفكر في حد تاني غير نفسي لمرة واحدة ف حياتي!! مردتش على حد فيهم.. قفلت الصوت ورحت انام..
يوم الفرح الصبح.. وصلت بالفستان اللي كنت اشتريته.. لونه كحلي.. شيك.. ومناسب على جسمي.. كان شكلي حلو وأنا ماكنتش هعتذر على ده..
ماريسا شافتني خلال المراسم ووشها بقى أحمر.. بس مقالتش حاجة ساعتها.. ف حفلة الاستقبال
قولت لها "هو انتي مش كنتي موافقة على الفستان ده من أربع شهور؟"
ضحكت بالعافية وقالت "إنتي عارفه بالظبط انتي بتعملي ايه؟ انتي مقدرتيش تتحملي إن اليوم ده بتاعي؟"
قولت لها "انا بقالي 6 شهور بشتغل على صحتي ومش ناوية استخبى في فستان أصفر معفن وكبير عشان انتي مش واثقه ف نفسك"
عينيها وسعت من الصدمة وقالت "مش واثقة ف نفسي؟ انا العروسة.. انا اللي المفروض أكون مركز الاهتمام"
قولت لها "وانتي كده فعلًا.. كل الناس دي هنا عشانك.. محدش فارق معاه شكلي أنا ايه"
ساعتها الوصيفة بتاعتها جت جري عليها وهي ماسكة التليفون وشكلها مفزوع.. وقالت "ماريسا.. انتي محتاجة تشوفي ده"
ورت ماريسا بوست على انستجرام.. كان فيه صورة من المراسم.. كانت ماريسا وشكلها جميل ومميز.. ومكتوب على الصورة "اد ايه شكلها قمر".. بس التعليقات هي اللي خلت ماريسا تتجنن..
عشان حد كتب "البنت اللي لابسه كحلي شكلها تحفه.. هي موديل؟؟".. وحد تاني كتب "البنت دي مميزه أوي.. عمري ما شوفت حد جذاب كده".. تعليق تالت مكتوب فيه "العروسة حلوه بس بنت خالتها بجد تحفه وطاقتها جميلة"
ماريسا أول ما قرت التعليقات دي بدأت تعيط وتتشحتف وشاورت عليا بأيد بتترعش وقالت "انتي عملتي كل ده متعمدة.. كنتي عايزه كل الناس تتكلم عليكي"
قولت لها "انا منشرتش الصورة دي.. ولا كتبت التعليقات دي.. انا بس موجوده بجسمي اللي اشتغلت كتير أوي عشان
جوز ماريسا جه عشان يشوف فيه ايه.. لما وريته التعليقات كان باين عليه الحيرة وقال لها "حبيبتي يفرق معاكي في ايه رأي ناس غريبة على الانترنت؟ بصي حواليكي كل اللي هنا جم عشان يحتفلوا بينا"
بس هي ماكنتش سامعه أي حاجة.. شدت أيدي جامد وقالت لي "انا عايزاكي تمشي دلوقتي".. بصيت لجوزها.. وكان باين عليه الإحراج.. بصيت لماما كانت واقفه بعيد.. هزت راسها بالراحة ف مشيت..
تاني يوم الصبح ماريسا نشرت بوست طويل عن ازاي فرحها خرب بسبب قرايبها الغيرانين اللي مقدروش يخلوها تستمتع بيومها.. طبعًا مكتبتش اسمي.. بس الكل كان عارف هي تقصد مين..
ماما اتصلت بيا وهي بتعيط وقالت لي "انا فخورة بيكي.. وماريسا اتعدت حدودها جامد المرة دي.. بس نص العيلة شايفه إن ماريسا عندها حق"..
وبعدين حاجة غير متوقعة حصلت.. جوز ماريسا بعت لي رسالة ع الخاص.. كتب لي فيها "انا أسف على اللي حصل امبارح.. شكلك كان حلو وانتي معملتيش حاجة غلط.. احنا بقالنا فترة بنروح لمعالج نفسي عشان مشاكل الثقة بالنفس.. واعتقد إن التخطيط للفرح خلى كل حاجة أسوء.. انا عارف إن ده مش هيصلح اللي حصل بس انا كنت عايزك تعرفي إن مش كل الناس ف العيلة شايفاكي شريره".. شكرته إنه بعت الكلام ده..
بعد 3 شهور وصلتني رسالة من ماريسا.. مفيهاش اعتذار.. مفيهاش إقرار إن اللي عملته كان غلط.. كانت كاتبه سطر واحد بس "انا بدات أروح الجيم.. ممكن تقولي لي برنامج التمرين بتاعك؟"
بعت لها المعلومات
