لمدة ٦ سنين

لمدة 6 سنين كنت بسمح لدايانا وولادها يستخدموا حمام السباحة بتاع بيتي كل صيف.. كل أسبوع من مايو لسبتمبر ولادها بيقضوا وقتهم ف جنينة بيتي.. بيحتفلوا بأعياد ميلادهم.. هي شخصيا بتعمل حفلات شوي وتعزم أصحابها... بيحتفلوا بنهاية السنة الدراسية...

عمري ما طلبت منهم حاجة ف المقابل.. كنت بضحك ف وشهم وأديهم فوط نضيفه وانضف الكركبه بعد ما يمشوا كل مرة..

جوزي روب كان شايفني فرد كويس وإيجابي ف عيلته.. أمه كانت بتقولي إن تصرفاتي دي زودت قيمتي ف وسط العيلة.. دايانا كانت بتتعامل معايا على إني المنتجع الخاص بيها..

أنا اشتريت البيت قبل ما أقابل روب.. كان صغير أه بس جنينته جميلة وفيها حمام سباحة كبير.. أنا حوشت سنين عشان أقدر اشتري البيت ده..

ولما أنا وروب اتجوزنا هو نقل يعيش معايا.. ومن وقتها وعيلته كلها كانت بتتعامل مع حمام السباحة على إنه ملكية عامة..

دايانا كانت تبعت لي رسالة بالليل تكتب لي فيها إنها هتجيب ولادها ومعاهم 15 من أصحابهم.. عمرها ما طلبت.. هي بس كانت بتبلغني.. كنت أرجع من شغلي ألاقي ناس غريبة ف جنينتي..

دايانا كانت أول ما تشوفني تشاور لي من غير ما تقوم من الشيزلونج اللي ممدده عليه وكأنها صاحبة المكان..

العيال كانوا بيمشوا ويسيبوا زبا.له ف كل مكان.. كياس شيبسي ف المايه.. أزايز كولا فاضيه على سور الحمام.. فوط مبلوله مرميه على عفشي..

وكنت بنضف كل حاجة عشان كنت عايزه أحافظ على السلام بينا وبقول مش مشكلة يا بت كبري دماغك..

الشهر اللي

فات قررت إني أروح رحلة تخييم مع 2 من صاحباتي المقربين.. كان بقالنا سنه بنخطط للرحلة دي.. الحاجة الوحيدة اللي كانت ناقصه كانت خيمة..

دايانا كان عندها خيمة تشيل 4 أفراد.. استخدمتها مرة واحده بس وبعدها شالتها ف الجراج بتاعها وعمرها ما استخدمتها تاني..

اتصلت بديانا وسألتها "ينفع أستلف منك الخيمة إجازة نهاية الأسبوع ده بس؟"

الصمت على التليفون كان طويل وبعدها سمعتها بتضحك.. وقالت "ما تشتري لنفسك.. انتي بجد تنحه.. طول الوقت بتدوري على حاجات تستلفيها من غيرك؟"

كنت بجد مش فاهمه ايه اللي بتقوله ده.. رديت وقولت لها "دايانا.. انا بسيبك تستخدمي حمام السباحة بتاعي طول الصيف"

كان ردها "الموضوع مختلف.. حمام السباحة ثابت ف مكانه.. بس الخيمة دي ملكية خاصة بيا.. بقولك ايه بطلي شغل النتانه ده"

قبل ما الحق أرد عليها حماتي أخدت التليفون من بنتها.. أكيد كانت جنبها من الأول سامعه الحوار كله.. وقالت لي "ما تشتري وبلاش تبصي للي ف ايد غيرك.. انتي عارفه لو كنتي بتشاركي أكتر ف العيلة بدلًا ما انتي طول الوقت تطلبي ماكنتيش حطيتي نفسك ف الموقف ده"

بعدها جه صوت روب واللي كان موجود معاهم وقال "بلاش شغل الشحاته بتاعك" وبعدها قفل ف وشي..

فضلت قاعده ف مكاني مبحلقه ف تليفوني.. روحت تاني يوم اشتريت خيمة.. روحت الرحلة بتاعتي مع أصحابي.. قضيت وقت جميل جدًا.. لا فكرت ف روب والا عيلته والا مرة واحده..

لما رجعت البيت بعد 3 أيام كان في حاجة غلط.. كنت حاسه إن في حاجة مش

مظبوطه حتى من قبل ما اطلع من عربيتي..

البوابة كانت مفتوحة.. دخلت البيت واتجمدت ف مكاني.. حمام السباحة كان فاضي تمامًا.. البلاط بتاع الحمام كان متكسر.. كان في زباله ف كل مكان.. وعلى باب البيت ملحوظة مكتوبة على ورقة وملزوقه..

ماكنش صعب عليا أميز خط أيد دايانا.. كانت كاتبه "الحفلات على حمام السباحة خلصت.. يمكن اللي حصل ده يعلمك متبقيش شحاته عديمة قيمة.. كان لازم تسيبي الأمور تمشي زي ما هي.. بس اديكي أهو خسړتي كل حاجة بسبب خيمة غبيه.. دلوقتي لا انا والا انتي هنستفيد بحمام السباحة"

قريت الملحوظة 3 مرات.. طبقتها وشلتها معايا.. روب رجع البيت بعد ساعة.. دخل وكأن مفيش أي حاجة غلط.. سألني "ايه اخبار التخييم؟ اتبسطي مع أصحابك؟".. بيتكلم عادي جدًا والا كأن في حاجة..

قولت له "كله تمام"

قالي "انا كنت مع ماما ودايانا"

هزيت راسي ومجبتش سيرة حمام السباحة.. هو كمان مجابش سيرة.. وده قالي كل حاجة عايزه اعرفها..

تاني يوم الصبح أول ما صحيت اتصلت بمحامي.. البيت بتاعي.. اشتريته قبل الجواز.. كان باسمي لوحدي.. روب مالوش أي حق فيه.. أنا كمان اتصلت بمقاول عشان يقدر التلفيات.. 12 ألف دولار عشان يتصلح..

عملت بلاغ باللي حصل.. وريتهم الورقة اللي مكتوبة بأيد دايانا.. وهي بتعترف فيها بكل حاجة.. بعدين رفعت قضية طلاق.. الورق بتاع القضية وصل لروب ف مكتبه...

اتصل بيا پيصرخ وبيقول "كل ده بسبب حمام سباحة؟ عايزانا نتطلق عشان حمام سباحة؟"

قولت له "انا عايزه اتطلق عشان

شوفت اختك بتدمر ممتلكاتي وسكت.. انا عايزه اتطلق عشان انت قولت عليا شحاته عشان طلبت استلف خيمة بعد 6 سنين بشارك كل حاجة عندي"

قالي "انتي مكبره الموضوع.. خلينا نتكلم ونشوف حل"

قولت له "انا خلصت كلام"

دايانا اتحكم عليها ف قضية تخريب متعمد للممتلكات.. الورقة اللي كتبتها كانت كل الأدلة اللي المحكمة محتاجاها.. دفعت كل التصليحات بالإضافة للمصاريف بتاعة القضية..

حماتي اتصلت بيا وهي بټعيط وبتقول "انتي بتقطعي العيلة دي من بعضها على والا حاجة.. احنا اعتبرناكي واحده مننا.. عاملناكي أحسن معاملة"

قولت لها "انتوا عاملتوني كخدامه.. ولما طلبت حاجة بسيطة جدًا وريتوني بالظبط انتوا شايفيني ازاي"

الطلاق تم بعد شهرين.. احتفظت ببيتي وحمام السباحة بتاعي وسلامي النفسي..

أما روب ف راح يقعد مع أمه.. دايانا مبقتش تعمل أي حفلات ف الصيف.. وسمعت من خلال صديق مشترك إنها حاولت تعمل حمام سباحة ف بيتها بس مقدرتش على مصاريفه..

الأسبوع اللي فات كانت أول حفلة شوي ف الجنينه ف بيتي بعد التصليحات اللي عملتها بفلوس دايانا.. أصحابي كلهم جم.. كنا بنعوم سوا وبنضحك ومحدش ساب زباله وراه..

روب بعت لي رساله ف نفس اليوم بالليل كتب لي فيها "وحشتيني.. علاقتنا وحشتني.. البيت وحمام السباحة وحشوني".. عملت له بلوك..

في دروس كده مش بنتعلمها إلا لما بندفع فيها 12 ألف دولار.. ودروس تانية تكلفتها بتكون جوازه وبيت.. دايانا وروب اتعلموا بالطريقة الصعبة..

وانا اتعلمت إن الناس اللي بيعاملوكي

على إنك طفيلية وشحاته.. غالبًا هما اللي بيكونوا بيستفيدوا منك طول الوقت… تمت