انا ممرض
أنا ممرض ممارس وشغال في عيادة بتابع حالات الحمل والولادة الطبيعية، وبشتغل إيد بإيد مع الدكاترة والقابلات عشان نضمن فترة حمل وولادة صحية.
خطيبتي حالياً بتخلص فترة النيابة بتاعتها كدكتورة، وإحنا عايشين مع بعض بقالنا كام سنة، ومش مستعجلين على الجواز.. كان المفروض نتجوز من سنتين بس اتسحلنا في الشغل جداً، وقررنا نتجوز في شهر يونيو الجاي.
الموضوع ده طبعاً مجنن أهلي وشايفين إن ابنهم الصغير عايش عيشة غلط في غلط ، عشان يعني انا عايش مع خطيبتي في بيت واحد من قبل ما نتجوز ، بس أنا مش فارق معايا، أنا راجل ناضج وبعمل اللي أنا عاوزه.
المهم، كنا بنزور أهلي في الكريسماس، وكلنا كنا متجمعين في بيتهم: أهلي، وإخواتي التلاتة، وأنا وخطيبتي، وسبعة أحفاد.. يعني ١٧ بني آدم ، عيلتي كلها .
وعلى العشا، بدأت أمي تتكلم عن إنها مبسوطة أخيراً إننا هنتجوز عشان متبقاش "محروجة في الكنيسة"، وبابا كمل وقال إنه فخور بإخواتي التلاتة الكبار اللي احترموا نفسهم ومسكنوش مع شركائهم غير بعد الجواز أو اتجوزوا فوراً.خطيبتي بدأت تتحرج، وأنا بدأت أغلي من جوه بسبب الحوار العقيم ده اللي اتكرر مليون مرة، وقعدة العيلة دي كانت القشة اللي قطمت ظهر البعير.
أنا طلبت منهم كذا مرة يتقبلوا إني حر في
قمت فاتح موضوع عن بيبي "مبتسر" (مولود بدري) كنت بقرأ عنه، وإنه اتولد قبل ميعاده بـ ٣ شهور وكان وزنه كيلو إلا ربع تقريباً، وإنه كان قوي وصحته كويسة بالنسبة لوزنه الصغير ده والدكاترة عندهم أمل كبير فيه.
أمي وبابا أول ما سمعوا الكلام ده، وشهم جاب ألوان وبان عليهم الړعب.. قشطة، تستاهلوا عشان جرحتوا مشاعر خطيبتي ومحدش بيراعي مشاعري انا كمان .
قمت سألتهم عن أخويا الكبير.. هو مش برضه اتولد قبل ميعاده بحوالي ٤ شهور؟ وقلت لهم "يا ريت لو ينفع نشوف ألبوم
طبعاً أنا عارف إن أخويا كان وزنه فوق الـ ٤ كيلو وطوله حوالي ٥٨ سم لما اتولد، وجدتي هي اللي حكت لي كل التفاصيل دي أول مرة أهلي حاولوا يحرجوني فيها زمان.
الموضوع اتغير في ثانية.. وبعد العشا، أهلي قالوا لي إني مش مفروض أحرجهم بخصوصيات ماليش دعوة بيها. رديت عليهم بوضوح: لو سمعت كلمة واحدة تانية عن طريقة عيشتي بقية حياتي، هفضل أفتح موضوع "الحقيقة" إن أمي كانت في الشهر الرابع لما اتجوزوا.
أهلي زعلانين مني وشايفين إني بملي عليهم يتصرفوا إزاي في بيتهم، بس خطيبتي مبسوطة إنهم غالباً هيقفلوا
تمت
