أمي ست نرجسية بقلم لمياء شاهين
أمي ست نرجسية بقلم لمياء شاهين
تقول صاحبة القصة:أمي ست نرجسية... قادرة إنها تخلي أي لحظات حلوه لجحيم.. لما دخلت في مرحلة الولادة.. فضلت 26 ساعة متواصلة.. مرهقة وفي ألم فظيع.. جوزي آلان مسابش جنبي.. ماسك ايدي في كل انقباضه.. كنت تعبانه بس متحمسه إني هقابل البيبي بتاعي أخيرًا..
الممرضة كانت بتقيس لي الضغط لما فجأة باب الأوضة اتفتح.. أمي دخلت الأوضة وعلى وشها الغضب اللي طول حياتي كنت بشوفه.. بس والا مرة كان بالدرجة دي.. قبل ما أي حد يلحق يعمل أي رد فعل بدأت تصرخ وتقول إني مستحقش أبقى أم.. وإني دايمًا كنت مش متزنة وهخرب حياة بنتي زي ما خربت كل حاجة تانية..
آلان قام من مكانه وقف.. الدكتور كان بيبص لها ومش فاهم ايه ده.. أنا كنت في نص انقباضه وحتى مش قادرة انطق..
أمي زقت الممرضة ووقفت قدام وشي مباشرة.. وقالت لي "انت أنانيه أكتر من إنك تكوني أم.. انت حتى مبتعرفيش تهتمي بنفسك.." كل ده وأنا بحاول أول بشكل طبيعي..
بعدها لفت وبدأت تحكي لكل اللي في الأوضة إني مش متزنة عقليًا.. وعندي مشاكل نفسيه كتير.. وإنها ناوية تكلم الخدمات الاجتماعية فورًا لأن البيبي مش هيكون بأمان معايا..
مش بس كده دي كمان طلبت من الفريق الطبي اللي موجود إنهم يبلغوا عني.. وإنهم ملزمين قانونيًا بالتبليغ عني كأم غير ملائمة..
آلان حاول يطلعها من الأوضة بس هي قاومت وبدأت تعدد كل المشاكل العقلية اللي المفروض إني بعاني منها.. ادعت إني باخد أدوية ممكن تضر البيبي.. مع العلم
قالت إني هددت أذي نفسي أثناء الحمل.. وده محصلش... أخيرًا أمن المستشفى جه وطلعوها بره.. ضغط دمي ارتفع جدًا لدرجة إن الدنيا اتقلبت عشاني أنا والبيبي بسبب خطورة وضعي.. احتاجنا ساعة كمان لحد ما بنتي كلير تتولد..
المفروض إن دي كانت تبقى أسعد لحظة في حياتي.. بس بدل السعادة أنا كنت حاسه بالخوف والفزع.. وياريتها خلصت.. دي كانت واقفه في الجراج بتاع المستشفى وعماله تزعق.. وده بعد ما آلان طلب من المستشفى تمنعها من الدخول والزيارة وقال للممرضات والأمن بشكل شخصي ميسبوهاش تدخل تحت أي ظرف..
ماكنتش قادرة أهدى والا أبطل اترعش من الخوف.. مش قادرة استمتع بأول ساعات في حياة بنتي.. فضلت باصه على الباب وكأني خايفه تفتح وتدخل تاني في أي وقت..
الدكتور جه بعد شوية وسأل عن الادعاءات اللي أمي قالتها... أول ما سمعته انهارت من العياط وقولت له إن أمي متشخصية باضطراب الشخصية النرجسية.. ودايمًا كانت متحكمة ومؤذية.. والموضوع زاد معاها جدًا من وقت ما عرفت بحملي.. لأنها مبقتش قادرة تتحمل إني أنا أخد كل الاهتمام من كل اللي حواليا بدالها...
اختي اتصلت بيا وهي بتعيط.. قالت لي إن أمي راحت لكل أفراد العيلة وبلغتهم إن جالي انهيار عصبي أثناء الولادة.. والمستشفى بتغطي على القصة.. وإني خطر على كلير.. وإن آلان هددها مع إن كل اللي هي حاولت تعمله إنها تحمي كلير بس..
خالتي بعتت لي رسالة بتقول فيها إن أمي ناوية تعين محامي وترفع
أنا معنديش أي أمراض عقلية موثقة أصلًا... أنا كنت بتعالج نفسيًا بالفعل.. بس ده عشان اتعلم اتعامل مع الصدمات النفسية اللي خلقتها عندي الحياة مع أم نرجسية..
تاني يوم الصبح الموظفة بتاعة الخدمات الاجتماعية اللي في المستشفى جت تتكلم معايا.. في حد اتصل بيهم وعبر عن قلقه لأني "أم مش ملائمة".. الموظفة كانت بتتعامل بحياد طبعًا.. بس أنا كنت متأكده إنها بتقيم كل حاجة.. بتراقب ازاي شايله كلير.. بتسأل أسئلة عن الأسرة والقرايب والأصدقاء المحيطين بينا.. عن صحتي العقلية..
الموظفة الاجتماعية مشيت وهي حاسه بالرضا إن كل حاجة كويسه.. أمي بالفعل بتحاول تاخد بنتي اللي لسه مولوده مني.. لأني بطلت اخليها تتحكم في حياتي.. قعدت في سرير المستشفى وأنا بتفرج على بنتي وهي نايمه.. كنت بعيط من غير صوت..
آلان مسك أيدي وقالي إننا محتاجين نعمل لأمي محضر عدم تعرض.. وإن سلوك أمي عدا كل الخطوط.. وإننا محتاجين نحمي أسرتنا بشكل قانوني..
وده لأن من ساعة واحده ابن عمي "كيني" اتصل وكان منزعج جدًا.. سأل لو كنت كويسه.. ماكنتش فاهمه فيه ايه والا بيكلمني ليه.. لحد ما حكى لي إن أمي راحت له البيت وهي في حالة هيستيريا.. وبتدعي إن معاها دليل إني بأذي كلير..
ولما طلب منها يشوف الأدلة دي.. وريته صور لكلير وهي بشرتها حمرا وده طبيعي للأطفال اللي لسه مولودين..
الصور كانت متاخده بالفعل من
كيني قال لها إن اللي هي بتعمله ده مش صح وإنها تخطت الحدود.. ف صرخت فيه وقالت له إنه واقف في صفي على حساب مصلحة العيلة كلها.. وإن واضح إن مفيش أي حد غيرها في العيلة كلها مهتم بمصلحة كلير.. كيني طردها من بيته ومرضيش يسمع لها أكتر.. واتصل بيا يحذرني..
الست دي دمرت حياتي بكل معنى الكلمة.. حرفيًا قضت حياتها كلها عشان تخليني أحس إن ماليش قيمة.. خربت فرحي لما جت بفستان أبيض وأعلنت في الحفلة إنها اتخطبت وطلعت بتكدب.. حاولت تخلي حفلة هدايا البيبي حوالين نفسها.. انتقدت كل قرار أخدته في حياتي.. فضلت طول مدة الحمل تقولي أد ايه هبقى أم بشعة لأني أنانيه ومش مستقرة نفسيًا..
ودلوقتي بتحاول بكل جهدها تاخد بنتي مني.. بصيت لآلن وقولت له "انا خلاص اكتفيت.. اكتفيت تمامًا.. مفيش فرص تانية.. مفيش تأنيب ضمير.. مفيش أي حاجة لها عندي"
آلان حاول يكون جنبي عشان اتخطى فكرة الأم المثالية اللي بحاول أتمسك بيها واقتنع بالأم اللي عندي.. وأشوفها على حقيقتها إنها نرجسية.. أنانية.. متلاعبه.. ومش بتشوفني على إني بنتها.. بتشوفني على إني حاجة من ممتلكاتها..
اتصلنا بالمحامي وأنا لسه على سرير المستشفى.. وبمجرد ما هطلع بكره هعمل لها محضر عدم تعرض.. عملت لها بلوك من كل حاجة أنا وآلان.. وبلغت كل أفراد أسرتي إن قدامهم حل من اتنين.. يا يحترموا حدودي
تمت
احاديث توكتوكيه بقلم لمياء شاهين
