انا وجوزي
أنا وجوزي بقالنا 6 سنين بنحاول ف الحمل.. 6 سنين من حقن الهرمونات.. من دورات IVF الفاشلة.. واختبارات الحمل السلبية.. 6 سنين بتفرج على كل اللي حواليا بيعلنوا عن حملهم وأنا جوزي بنبتسم بفرحة وإحنا بنتألم..
صاحبتي المفضلة "ليندسي" كانت عارفه كل حاجة.. كانت لما بعيط بعد تالت إجهاض ليا.. كانت بتوديني مواعيد الدكاتره لما جوزي ميقدرش يستأذن من شغله عشان يوديني.. كانت المفروض تبقى أقرب واحده ليا..
السبت اللي فات ليندسي عزمتني على حفلة عيد ميلاد بنتها.. كنت على وشك إني مروحش عشان حفلات الأطفال صعبة عليا.. بس ضغطت على نفسي لأني بحب بنتها.. كل حاجة كانت كويسة لحد وقت تقطيع التورته..
ليندسي وقفت عشان تقول كلمتين.. شكرت كل الموجودين إنهم جم.. اتكلمت عن أد ايه هي ربنا كرمها إنها أم.. وبعد كده بصت لي مباشرة وقالت "ممكن لو بطلتي توتري نفسك أوي تحملي أخيرًا.. جارة أختي فضلت سنين تحاول وأول ما ريحت نفسها واسترخت كده... بوووم.. نونو"
كل الموجودين في المكان سكتوا.. وليندسي كانت بتضحك وكأنها بتقول نصيحة.. وكأنها بتساعدني..
20 شخص كانوا باصين عليا وانا
قلبت عينيها وقالت "ايه يا بنتي.. دي مجرد نكته.. انتي بقيتي حساسه أوي مؤخرًا"
وقفت وقولت لها "6 سنين من العلاج.. 3 مرات إجهاض وانتي شايفه لما تقولي لي استرخي قدام كل الموجودين حاجة دمها خفيف؟؟"
وشها اتقلب.. بان عليها الإنزعاج أكتر من الأسف وقالت "انتي عايزه تبوظي عيد ميلاد بنتي"
ساعتها مشيت من غير ما أقول سلام.. ف نفس الليلة تليفوني كان عمال يرن بالإشعارات.. ليندسي نشرت على مجموعة المحادثة بتاعة أصحابنا إني أنا بوظت عيد ميلاد بنتها لما مشيت وانا متضايقه بسبب تعليق مفيهوش أي حاجة تزعل.. كتبت إني غيرانه منها ومن عيلتها ومش قادرة اتحمل أشوف أي أم سعيدة..
3 من أصحابنا فورًا أخدوا صفها.. واحده كتبت إني محتاجة أعتذر إني احرجت ليندسي قدام عيلتها.. والتانية كتبت إني ممكن أخد راحة ومحضرش أي تجمعات لو مش قادرة اتحمل أكون موجوده وسط الأطفال..
كنت متدمرة.. الستات دول أنا عارفاهم من أكتر من 10 سنين.. جوزي قالي "فكك.. لو دول أصحاب حقيقيين مش هيعاملوكي
فضلت أراجع ف دماغي خلال السنين اللي فاتت.. كل مرة كنت بشارك معاها أخبار كويسة عن أي علاج كانت بتغير الموضوع.. كل مرة أقولها الدكتور متفائل بالنتايج.. فورًا تتكلم عن أد ايه الأمومة مرهقة..
حتى لما قولت لها إننا بنفكر ف التبني.. قالت إن الولاد اللي الأسر بتتبناهم عمرهم ما بيرتبطوا بالأسر بنفس طريقة الأطفال البيولوجيين..
تعليقات صغيرة كنت بطنشها.. فراغات كنت بتغاضى عنها.. وبعدين افتكرت حاجة حصلت من 3 شهور.. كنا خارجين بنفطر سوا وليندسي كانت بتشتكي من جوزها.. ساعتها قولت لها إن جوزي كان رائع خلال رحلة العلاج كلها.. وإن جوازنا بقى أقوى بسبب الحاجات اللي مرينا بيها..
يومها سكتت خالص.. وبعد كده قالت "اكيد حاجة حلوه إن يكون عندكم كل الوقت الفاضي ده عشان تشتغلوا على علاقتكم بدون وجود أطفال ف الطريق"..
يومها ضحكت ومفكرتش كتير ف الموضوع.. بس دلوقتي افتكرت.. هي ماكنتش بتهزر.. هي كانت بتعاقبني على حاجة..
اتصلت بصديقة مشتركة بيني وبين ليندسي اسمها
ليندسي كانت بتتكلم عني بقالها شهور.. بتقول إني مهووسه بإني أبقى حامل.. وإني عايزه كل الاهتمام يبقى عليا.. وإن "العقم" اللي عندي غالبًا عقاب ربنا على حاجة أنا عملتها ف الماضي بتاعي.. بس أسوء جزء كان اللي ماريسا قالته بعد كده.. ليندسي قالت لها إنها بتتمنى إني عمري ما ابقى حامل.. عشان ساعتها أخيرًا هبطل أبقى مركز الاهتمام..
قفلت مع ماريسا وقعدت في عربيتي لمدة ساعة.. 6 سنين من الصداقة.. 6 سنين كنت فاكره إنها بتدعمني.. وطول الوقت كان نفسها إني أفشل.. عملت سكرينات لكل حاجة ماريسا بعتتهالي.. وبعتها لمجموعة المحادثة بدون أي تفسير.. وفورًا طلعت من الجروب..
بعد يومين جوز ليندسي اتصل بجوزي.. اعتذر بالنيابة عن ليندسي.. وقال "ليندسي بقالها فترة بتعاني من شعورها بالغيره.. مراتك ماكنتش تعرف عن شعورها حاجة".. لا أنا والا جوزي ردينا..
الإسبوع اللي فات عملت اختبار حمل وطلع إيجابي.. أول حمل يكمل
