سر الابواب
لما بقى عندي 9 سنين أمي قالت لي إني مش مسموح لي أقفل باب أوضة نومي تاني.. قالت "الأبواب المقفولة دي للأسر اللي عندها أسرار.. واحنا معندناش أسرار نخبيها عن بعض"..
كنت شايفه إن ده شيء غريب بس مجادلتش كتير.. لما بقى عندي 11 سنه.. أمي شالت الباب من أساسه.. وحطته ف الجراج.. وعملت نفس الحاجة مع أخويا الصغير.. وشالت باب أوضته..
كمان شالت باب الحمام.. لأن على حسب كلامها "احنا محتاجين نحس بالراحة في أجسامنا.. لأن الشعور بالعار والخزي بيؤدي للأسرار واحنا مفيش بينا أسرار"
بقيت أغير هدومي في الدولاب.. وف مرة أمي مسكتني وأنا بغير وقالت "مستخبيه ليه؟ بتعملي ايه جوه؟"
قولت لها "أنا بس كنت محتاجة خصوصية"
ف ردت وقالت "الكلمة دي مش مسموح بيها في بيتنا تاني"
أصحابي بطلوا يزوروني عشان ماكنوش بيرتاحوا يستخدموا الحمام من غير باب وأي حد من عيلتي ممكن يعدي من قدام الحمام..
طلبت لو ع الأقل ممكن نعلق ستارة قدام باب الحمام.. وأمي قالت "الستاير هي برده أبواب معموله من القماش.. الطلب مرفوض"
لما وصلت المدرسة الإعدادي أمي شالت كل الأبواب داخل البيت.. أوض النوم.. الحمامات.. وحتى أبواب الدواليب.. يعني تقدر تقف ف أوضة المعيشة وتشوف مباشرة كل اللي ف الأوض اللي
أمي قالت "كل ده عشان تحسوا إننا بيت مفتوح وصادق"
أخويا بقى يجي له نوبات هلع عشان ماكنش بيقدر يغير هدومه من غير ما كل اللي ف البيت يشوفوه..
أمي بقت تمشي ورايا ف كل مكان.. لو روحت أوضتي.. تقف قدام مكان الباب وتتفرج عليا.. لو دخلت أستحمى تقعد على كرسي التواليت وتتكلم معايا وانا ورا الستارة لحد ما أخلص..
لو قولت لها إني محتاجة مساحة.. تقولي "المساحة من ايه؟ بتحاولي تخبي ايه عني؟"
لما دخلت المدرسة الثانوي.. اتحايلت على أبويا عشان يرجع الأبواب.. قالي إنه موافق ماما ف قرارها عشان مخلينا قريبين من بعض كأسرة..
ف قولت له "بس ده مخليني بأسه.. انا حتى مش قادرة استخدم الحمام من غير ما احس إن الكل بيبص عليا"
ف بابا قالي "انتي مزوداها أوي"..
ولما ماما اكتشفت إني اتكلمت مع بابا صرخت فيا وهي بتقولي إني بحاول أقلب بابا عليها.. وقالت لي "انتي بقيتي تخبي علينا وتتلاعبي بينا وده معناه إني محتاجه أخد بالي من تصرفاتك أكتر"
ف قعدتني من المدرسة وبقيت اتعلم من البيت.. عشان ميبقاش في بيني وبين أي حد أي تفاعل هي مش مرقباه.. وكانت بتقعد جنبي في كل الحصص الأون لاين اللي بحضرها.. وبتقرا كل الواجبات قبل ما أسلمها..
ولما لقيت شغل ف كافيه وأنا عندي
مديري قالها "يا فندم.. مينفعش تقعدي هنا طول اليوم
ف أمي قالت له "أنا بتفرج على بنتي وهي بتشتغل".. وبعد كام يوم لما رفضت تمشي ف اترفدت من الشغل..
أخويا هرب من البيت وهو عنده 15 سنه وأهلي بلغوا الشرطة.. والشرطة جابته من بيت واحد صاحبه.. وبعدها أمي حطت أقفال على أبواب وشبابيك البيت.. عشان تحبسنا ف البيت بالليل..
ولما سألتها "ايه الفرق بين اللي احنا فيه ده وبين السجن؟"
قالت "السجون لها أبواب.. لكن البيت مفيهوش أبواب.. وده معناه إني واثقة فيكم"..
بعد فترة بقى يجي لي نوبات هلع ف نص الليل.. لأني كنت دايمًا حاسه إني متحاصره.. ولما بقى عندي 17 سنه كنت بدور على ديكورات عيد الكريسماس ف العلية بتاعة البيت.. لقيت صندوق فيه قصاقيص ورق جرايد من 30 سنه..
العناوين كانت بتقول "أخيرًا.. العثور على فتاة بعد اختفاءها لمدة 3 شهور".. وكان مع العناوين دي صور لبنت صغيرة شبه أمي بالظبط..
قريت كل المقالات الموجوده واكتشفت إن أمي اتخطفت لما كان عندها 9 سنين.. راجل أخدها وهي راجعه من المدرسة وحبسها ف القبو بتاع بيته لمدة 3 شهور.. ف أوضة من غير
القواعد اللي أمي طبقتها بدأت لما كان عندي 9 سنين لأن ده كان نفس السن اللي هي اتخطفت فيه.. هي شالت كل الأبواب لأنها ماكنتش قادرة تتحمل شعور إنها محبوسه ف أي مكان..
ماكنتش بتقدر تشوف أي أبواب مقفولة لأنها كانت بتفكرها بالأوضة اللي اتحبست فيها..
واجهت أمي ف نفس اليوم بالمقاله.. وقولت لها "هو ده السبب إن معندناش أبواب؟"
عيطت فورًا وقالت "انتي مش فاهمه يعني ايه تبقى متحاصره.. انا ماكنتش قادره اتنفس ف الأوضة دي.. كنت فاكره إني هموت جواها"
ف قولت لها "ف خليتينا كلنا نعيش ف بيت منقدرش نتنفس فيه احنا كمان؟"
قالت "مش نفس الشئ تمامًا"
قولت لها "لا.. نفس الشئ.. انتي كنت خايفه أوي إنك تتحبسي تاني.. ف حرمتينا من الخصوصية.. مسبتيناش نقفل باب على نفسنا.. كنتي بتمشي ورانا ف كل مكان.. لا سمحتي لنا يبقى لنا وظايف والا أصحاب والا حياة بعيد عن عينك.. انتي حاصرتينا بالظبط زي ما هو حاصرك"
قالت لي "انتي مش فاهمه حاجة.. وقاسية"
قولت لها "انتي محتاجة مساعده.. كنتي محتاجه مساعدة من 30 سنه ولسه محتاجاها لحد دلوقتي.. بس بدل ما تتعالجي انتي حولتي الصدمة لسجن لينا كلنا"
يوم ما تميت 18 سنه سيبت البيت
