حبيبي جيك
حبيبي "جيك" هو أكتر شخص هادي قابلته ف حياتي.. عنده 30 سنه.. أكبر واحد ف أخواته.. عنده 3 أخوات بنات أصغر منه.. عمره ما بيكبر أي موضوع..
ف بداية علاقتنا حكالي حاجة فضلت ف دماغي.. قالي إنه دايمًا كان نفسه ف عيد ميلاد مفاجئ.. عشان اخواته التلاته الأصغر منه كلهم كان بيتعمل لهم أعياد ميلاد مفاجأة وهما بيكبروا.. وهو دايمًا كان اللي بيساعد مامتهم ف التخطيط والتجهيز لأعياد الميلاد..
عيد ميلاده ف شهر نوفمبر.. يوم 28.. يعني ف نفس فترة عيد الشكر.. وعشان كده غالبًا محدش بيحتفل بيه وبيكبروا دماغهم..
ف أنا قولت بما إنه هيكمل 30 سنه.. دي الفرصة المثالية إني اعمله الحفلة المفاجأة اللي هو كان نفسه فيها..
قضيت شهرين كاملين بخطط لكل حاجة.. زينة بألوان فريق الكرة المفضل عنده.. قائمة طعام بكل الأكلات اللي بيحبها.. وعزمت كل الناس المهمة بالنسبالة.. زمايله.. صحابه.. عيلته الكبيرة.. وحتى أهلي
كل كان ماشي كويس ماعدا حاجة واحده بس كانت غريبة.. أمه.. أمه "كارين" كانت مشتركه معايا ف التخطيط لعيد ميلاده.. ومن أول يوم فضلت تحاول تلغي الموضوع من أساسه..
كل مرة أسأل عن نوع الكيك المفضل بالنسباله.. أو انهو وقت أفضل للحفلة.. كانت ترد تقول حاجات زي "هو مش هيعجبه اللي بيحصل ده".. أو "انتي متعرفيهوش كويس كفاية".. أو "اللي بتعمليه ده هدر فلوس"
لما سألتها "كان بيحب أنهو نوع من العصير وهو صغير؟".. قلبت عينيها ومعجبهاش كلامي وقالت "جيك أصلًا مش بيحب الحفلات.. هو مش من الأشخاص اللي بيحبوا المفاجأت"
ولما اتكلمت إني بفكر أجيب فرقة معينة تعزف ف عيد ميلاد جيك.. قالت "ثقي فيا.. أنا عارفاه من 30 سنه.. كل اللي بتعمليه ده مالوش لازمه"
يوم الحفلة كنت ف شقته.. بجهز أنا وأخواته البنات التلاته كل حاجة للحفلة.. وكارين كانت مكمله ف نفس اللي بتعمله..
كانت واقفه بتتفرج عليا
اخت جيك "إيما" أخيرًا طلعت من هدوءها وقالت "ماما.. ممكن من فضلك تساعدي بدل ما انتي بتصدري لنا السلبية؟".. بس كارين فضلت تهز راسها بالرفض وكأني بعمل غلطه كبيرة..
أول ما جيك دخل الشقة وكلنا صرخنا "مفاجأة" وشه كان منور.. حرفيًا ممسكش نفسه من العياط والضحك ف نفس الوقت.. فضل يبص على كل الزينة اللي ف الحفلة ويقول "انتوا عملتوا كل ده عشاني؟"..
كان عمال يتصور مع كل الناس.. وفضل يشكرني كل شوية.. بعدها إيما اخته وقفت واتكلمت قدام كل الناس ف الحفلة وقالت "كل ده كان فكرة حبيبة جيك.. هي اللي خططت لكل تفصيله صغيره ف الحفلة"
جيك ساعتها حضني أوي وهمس ف ودني "ده أحلى حاجة أي حد عملهالي ف حياتي".. ساعتها شوفت وش كارين.. كان باين عليها الغضب! وكأنها متضايقه إن جيك مستمتع بوقته..
بعد شوية لما جيك كان واقف
كانت بتتكلم بصوت عالي كفاية إن الناس القريبين يسمعوها.. وكأنها بتحاول تخرب اللحظة الحلوة دي بأي شكل..
كنت خلاص.. جبت أخري من السلبية والزن بتاعها ده طول اليوم.. ف بصيت لها مباشرة وقولت لها "مش يمكن أنتي متعرفيش ابنك كويس زي ما انتي فاكره؟"
بقها اتفتح من الصدمة.. ومشيت بسرعة من قدامي تدور على أي حد تشتكي له من كلامي..
شوية من قرايب جيك جم لي ف اخر الحفلة وقالوا إني "قليلة الذوق ومش محترمه".. بس أخواته البنات التلاته شايفين إن عندي حق وإن أمهم دايمًا بتتصرف بغرابه أول ما تحس إن في اهتمام من الناس بجيك..
جيك ماكنش عنده أي فكره عن أي حاجة بتحصل.. هو كان مبسوط ف الحفلة وقضى الليلة كلها بيقول لكل الناس الموجودين
