جوزي جون
جوزي "جون" اداني ورق الطلاق واحنا قاعدين نفطر.. وقالي "انا محتاج حد عنده طموح" ماكنش حتى بيبص لي وهو بيتكلم.. كان بيبص ف تليفونه وكمل وقال "مش عايزه زوجة موراهاش إلا البيت بتلعب بأقلام ألوان طول اليوم"
الألوان اللي كان بيتريق عليها دي كانت من ماركة والعلبة منها بـ 400 دولار.. بس على أي حال أنا ابتسمت ومضيت على الورق..
عارفه إنكم مستغربين.. بس الحكاية إني بقالي 6 سنين بنشر كتب للأطفال تحت اسم مستعار.. س. ل. أندرسون.. السنة اللي فاتت لوحدها كتابي اتصدر احسن مبيعات وحققت ربح 200 ألف دولار.. ده غير 300 ألف دولار من عقد مع نتفلكس لإنتاج فيلم كارتون منبي على واحد من كتبي.. وكنت خلاص على وشك أقبض الفلوس..
جون ماكنش عنده أدنى فكرة أنا بعمل ايه.. لأنه دايمًا كان بيقول "هوايتك العبيطة دي" وبالتالي ماكنش فارق معاه أصلًا يعرف ايه اللي بعمله..
بعد الطلاق بأسبوعين بس عرفت إنه بقى عايش مع "إيميلي".. إيميلي دي كانت شريكتي ف السكن واحنا ف الكلية.. وكانت دايمًا بتحقد على أي حاجة معايا.. بيتي.. عربيتي.. جوزي.. دلوقتي معاها 2 من 3.. أصل جون نقلها تعيش مكاني ف بيتنا..
وبالمناسبة جون لحد انهارده مغيرش المفاتيح.. ولسه مفاتيحي معايا.. بس أنا مش سخيفة يعني عشان استخدمه.. وأصلًا أنا مش محتاجه استخدمه..
أنا اتنقلت لفيلا صغيرة ف نص البلد.. بشبابيك كبيرة على منظر جميل.. وفورًا بدأت أشتغل على سابع كتاب ليا..
3 شهور عدت
إيما دي بنته اللي عندها 6 سنين.. واللي كان مخلفها من جوازته الأولى.. جون عايزني أقعد مع بنته ف اجازتي.. مش معقول بجاحة الراجل ده.. كنت منبهرة من البجاحة.. بس بعت له وقولت له "هاتها"..
إيما كانت طفلة بريئة.. ومالهاش ذنب ف أي حاجة بتحصل.. وبصراحة أنا أصلًا بحبها.. إيما وصلت يوم السبت معاها شنطتها الي متغطيه ستيكرات يونيكورن.. عملنا بان كيك شوكولاته.. وطلعت كتاب من شنطتها.. أخر كتاب نزل لي.. الكتاب اللي وصل رقم 1 ف قائمة الأعلى مبيعات على حسب نيويورك تايمز من أسبوعين..
إيما قالت "طنط سارة.. بصي.. تعرفي إن الكاتبة بتاعة الكتاب ده عندها نفس اسمك الأخير؟"
حاولت أخلي وشي ثابت.. قولت لها "ده أسمي المستعار يا حبيبتي.. "
بقها اتفتح من الصدمة.. وقالت "استني.. انتي س. ل. أندرسون؟ س. ل. أندرسون المعروفة؟ لا مش معقول يا الله.. ماما بتتكلم عنك طول الوقت.. بتقول إنك أكبر كاتبة أطفال دلوقتي وهي تتمنى إنها تشوفك عشان تخليكي توقعي على الكتب اللي اشتريتها"
كنت بعض شفايفي عشان مضحكش على كلامها.. وقولت لها "بجد؟"
قالت "اااااه.. دي اشترت حوالي 5 كتب من بتوعك.. الشهر اللي فات.. حطاهم على ترابيزة القهوة وبتقول لأي حد يزورنا إنها مهووسة بـ س. ل. أندرسون.. دي حتى عندها
كنت حاسة إن كل ثانية بتعدي وإيما بتتكلم عن الكتاب إن حقي بيرجع لي.. ف نفس اليوم إيما رجعت البيت عند جون وطبعًا قالت له كل حاجة.. كل تفصيله وكل كلمة عرفتها..
يوم الاتنين الصبح جرس الباب رن.. الساعة 7 الصبح.. فتحت عشان ألاقي جون واقف قدامي بهدوم واضح إنه بقاله يومين لابسها.. مكرمشة ومش مظبوطه.. وشكله كأنه بقاله أيام منامش..
جون سألني مباشرة "انتي س. ل. أندرسون؟؟ الكاتبة س. ل. أندرسون؟"
قولت له "صباح الخير عليك أنت كمان يا جون.."
وشه مر تقريبًا بـ 8 تعبيرات مختلفة ف 5 ثواني.. الصدمة.. الحيرة.. الغضب.. الندم.. الفزع.. وسألني "ليه مقولتليش؟"
قولت له "انت عمرك ما سألت.. انت كنت مشغول بس تقول على شغلي "هواية".. وعلى فني "لعب بالألوان".."
قالي وهو بيحرك ايده ف شعره "سارة.. إيميلي خسرت شغلها الأسبوع اللي فات.. أنا وعدتها إننا هنكون مرتاحين بمرتبي.. عشان هي عايزه تخلف وتقعد ف البيت.. بس لما إيما وريتها الاسكرينات بتاعة الأرباح بتاعتك على الأيباد بتاعها يوم السبت"
قاطعته وقولت له "دي معلومات سرية.. أنا ماكنتش عايزاها توريها لحد"
جون قال "انا عارف.. انا عارف.. وانا اسف.. بس سارة انتي".. كان شكله مرعوب ومش عارف يقول ايه بس كمل وقال "طيب ممكن ادخل ونتكلم.. انا عملت غلط رهيب.. أكبر غلط عملته ف حياتي.. انا عايز اصلح اللي عملته.. انا عايز"
قاطعته وقولت له "لا"
قالي "من فضلك.
قولت له "قولت لك لا يا جون".. كملت وانا بقفل الباب وقولت له "مش انت كنت عايز حد طموح.. اديك لقيته.. أتمنى تكون إيميلي هي كل حاجة انت حلمت بيها".. قفلت الباب ف وشه..
بعد يومين بالظبط إيميلي اتصلت بيا الساعة 11 بالليل.. بتعيط جامد لدرجة إني ماكنتش فاهمه بتقول ايه.. وقالت "سارة.. أنا أسفة جدًا.. أنا ماكنتش اعرف انتي مين.. أنا ماكنتش أعرف أي حاجة.. جون مش عايز يبطل يقارني بيكي دلوقتي.. عمال يقول إنه اتخلى عن مليونيره عشان واحده مش عارفه حتى تحافظ على وظيفة.. احنا بقينا بنتخانق ع الفلوس حرفيًا كل يوم.. "
قولت لها "يا حرام.. موضوع صعب أوي" وانا بحاول أخلي صوتي هادي ومحايد على أد ما أقدر.. وكملت وسألتها "في أي حاجة أقدر اعملهالك؟"
ردت عليا وقالت "ممكن تقولي له إنك مش بتحققي الربح ده كله؟ خليه يفكر إن الأرقام اللي إيما وريتهالنا مزيفة أو أي حاجة"
قولت لها "انا مش هكدب عشانك يا إيميلي.. الأرقام دي حقيقية.. أنا اسفه".. ف قفلت ف وشي!!
الأسبوع اللي فات وصلني رسالة من جون.. كان فيها لينك من ويكيبيديا ليا ومعاه جملة "انا غبي جدًا" وإيموجي بيعيط😭😭 .. مردتش عليه..
امبارح إيما كلمتني بنفسها.. هي معاها تليفون دلوقتي وسألتني لو ينفع أوديها ديزني لاند ف عيد ميلادها السابع الشهر الجاي.. احنا الاتنين بس.. أبوها قالها إنه موافق لو أنا عايزه.. قولت لها "ماشي".. قررت أشتري تذاكر VIP ليا وليها..
أما بالنسبة
