خطيبي بدل فستان فرحي
خطيبي رجع فستان الفرح اللي أنا نقيته واستبدله بفستان تاني أمه اللي اختارته.. اكتشفت المصيبة دي قبل فرحي بـ 3 أيام.. لما روحت عشان استلم الفستان بعد التجربة النهائية.. الست اللي محل الفساتين كان باين عليها الحيرة لما اديتها اسمي وقولت لها "أكيد في غلط"..
الست ورتني فستان لونه كريمي بكمام واسعه جدًا ومنفوخه.. وياقه عاليه مقفوله.. وشكله كأنه جاي من سنة 1980..
اتصدمت وقولت لها "استحالة.. ده مش بتاعي.. فستاني كان عاجي بقصة مظبوطه على جسمي بسيطة وعليه تطريز بسيط.. أنا اخترته بنفسي ووقعت ف حبه من ساعة ما جربته هنا أول مرة"
الست راجعت السجل بتاعها ع الكمبيوتر وقالت "خطيبك جيك؟ جه من يومين وكانت معاه أمه.. وبدلوا الفستان الأصلي بالفستان ده.. قالوا إنك غيرتي رأيك".. وطلعت لي إيصال التبديل وعليه توقيع جيك.. جيك كان عنده نقط مجانية ف المحل واستخدمها عشان يجيب الشئ البشع ده اللي أمه اختارته!!
كنت بترعش من كتر ما أنا متعصبه.. اتصلت بـ جيك فورًا.. بس التليفون كان مقفول.. بعدها اتصلت بأمه.. ردت من أول رنه.. وهي بتتكلم بأسلوب هادي وكأنها خايفه الزبده تدوب ف بقها.. وقالت "اووه
قولت لها "انتي مالكيش الحق ترجعي الفستان اللي اختارته.. ولا معجبنيش الفستان اللي اختارتيه أنا كرهته"
ف ضحكت وقالت "ماشي يا حبيبتي.. بس جيك موافق على كلامي إنك محتاج حاجة محتشمة أكتر.. وبعدين الزوجة الكويسة بتسمع كلام عيلة جوزها"
قفلت ف وشها وروحت مباشرة على شقة جيك.. كان قاعد يلعب بلايستيشن وكأن مفيش حاجة حصلت.. لما واجهته باللي هو عمله.. مرفعش عينه من على الشاشة..
كل اللي عمله إنه أتكلم بسخرية وقال "ماما عندها وجهة نظر كويسة عن إن الفستان مثير أوي.. المفروض تبقي ممتنه إنها مهتمه كفاية وبتشارك ف ترتيبات الفرح.. انتي مامتك ماتت من سنتين ومفيش حد يساعد معاكي غيرها.."
التعليق الأخير بتاعه ده وجعني كأني أخدت بوكس ف معدتي.. وقفت ف مكاني باصه له.. الراجل ده أنا المفروض هتجوزه خلال 3 أيام.. وحالًا أدركت إني مش عارفه مين ده.. هو بقاله فترة عمال يسمح لأمه إنها تتحكم أكتر وأكتر ف علاقتنا على مدار السنة اللي فاتت..
سألته "انت فاكر أنا كنت أد ايه سعيدة لما لقيت فستاني؟؟ ازاي بعت له صور وقولت له إنه مخليني حاسه إني حلوه؟"
ساعتها أخيرًا وقف اللعبة وبص لي بنظره واحد منزعج وكأني مكبره الموضوع وبنكد من غير سبب.. وقالي "بصي.. ده مجرد فستان.. انتي هتلبسيه كام ساعة وبعد كده هيتحط ف الدولاب للأبد.. أنا أمي اتجوزت 3 مرات وعارفه إيه اللي بيطلع حلو ف صور الفرح"
ماكنتش مصدقه اللي بسمعه.. قولت له "لو انت شايف إن رأيك أمك أهم من رأيي ف فستان فرحي.. ف ممكن تتجوزها هي بدالي"
معجبهوش كلامي وقالي "انتي بتتصرفي بجنان واندفاع كالعادة"
ساعتها حسيت حاجة جوايا اتكسرت.. اتحركت مباشرة ف اتجاه أوضة النوم.. وبدأت ألم حاجتي كلها اللي سبتها ف شقته على مدار السنتين اللي فاتوا.. هدومي.. كتبي.. صوري أنا وماما..
جيك جه ورايا وسألني "بتعملي ايه؟"
قولت له "الفرح اتلغى"
بان عليه الفزع وقال "مينفعش تلغي الفرح قبل 3 أيام بسبب فستان غبي.. كل الفلوس اللي اتدفعت.. المعازيم اللي جايين.. عيلتي اللي هتسافر بالطيران من بره الولاية"
لفيت ناحيته وقولت له "كان المفروض تفكر ف كل
تاني يوم كنت مضطره أتصل بنفسي عشان ألغي كل حاجة.. القاعة.. الأكل.. المصور.. الموضوع كان مهين جدًا إني أفضل أشرح لكل دول مرة ورا مرة إن الفرح اتلغى.. في ناس كانوا متفهمين.. بس ناس تانية عملوا تعليقات عن التردد والخوف من الالتزام..
جيك فضل يتصل بيا ويبعت رسايل يكتب فيها "إحنا ممكن نحل كل حاجة" أو "هجيب الفستان اللي اختارتيه خلاص".. بس كان خلاص الوقت فات.. المحل كان باع الفستان بالفعل لحد تاني.. الفستان خلاص راح للأبد.. بالظبط زي ثقتي فيه..
أمه بجد كان عندها من البجاحة الي تخليها تيجي لي شقتي بعد يومين.. ومعاها الفستان البشع اللي اختارته.. وقالت "انا روحت لخياط وظبطه على مقاسك.. ميرضيكيش إن جيك قلبه مكسور.. انتي كده بتخسري راجل كويس بسبب الكبرياء".. اخدت منها الفستان ورميته ف الزباله قدامها..
بعد 3 شهور.. سمعت من خلال أصدقاء مشتركين بيني وبين جيك إنه خطب بنت قابلها ف بار.. أمه نشرت صور لحفلة الخطوبة على فيسبوك.. وتتوقعوا أيه؟؟ البنت كانت لابسه نفس استايل الفستان المحتشم البشع اللي امه كانت مختاراهولي..
أنا
