اهل جوزي
أهل جوزي نقلوا على بعد 3 عمارات من بيتي ف فصل الربيع اللي فات.. العمارة اللي فيها شقتهم فيها أوضة غسيل في القبو.. الغسلة بـ 2 دولار..
أم جوزي "جانيت" طلبت مني يغسلوا مرة واحده ف الأسبوع عندي عشان توفر فلوس.. ف أنا قولت تمام.. مش مشكلة.. الناس دي طالعين ع المعاش ودخلهم قليل ف ايه المشكلة..
كل يوم خميس الساعة 10 الصبح بيجيوا البيت ومعاهم كياس زبالة كبيرة مليانة هدوم متوسخة.. جانيت تحط الغسيل ف الغسالة وبعدين تقعد هي وجوزها ف أوضة المعيشة بتاعتنا يشربوا قهوة ويتفرجوا ع التلفزيون لمدة ساعتين لحد ما الغسالة تخلص..
جوزي بيشتغل من البيت أغلب الأيام.. ف هو بيكون موجود وبيقعد معاك أحيانا.. وأنا بكون ف شغلي بره البيت.. الوضع ده استمر لمدة 4 شهور..
لحد ما ف يوم خميس كان عندي معاد مع دكتور الأسنان.. والمعاد اتلغى.. ف رجعت البيت بدري.. حوالي الساعة 11.. دخلت وسمعت صوت الغسالة شغاله.. طبيعي.. بعد كده سمعت صوت جانيت من أوضة النوم.. أوضة نومي أنا وجوزي..
رحت ف اتجاه الصوت وفتحت الباب.. لقيت جانيت واقفه قدام دولابي.. والدرج اللي فوق كله مفتوح.. درج هدومي الداخليه.. كانت ماسكة برا من بتوعي ورفعاها قدام الضوء اللي جاي من الشباك.. بتفحص الورقة بتاعة البيانات..
سألتها "بتعملي ايه؟"
نطت من الخضة ووقعت البرا.. وقالت "اووه يا حبيبتي.. انتي ف البيت بدري.. انا كنت بس بشوف
بصيت ع السرير ولقيت 3 قمصان خروج بتوعي متطبقين عليه.. قمصان أنا كنت بدور عليهم بقالي شهور.. سألتها "هي دي هدومي؟"
قالت "اااه اصل بصراحة استلفتهم من كام أسبوع لما كنت هنا.. انا غسلتهم مع هدومنا انهارده.. وكنت هرجعهم"
فتحت باقي دولابي ولقيت 5 رشاقات – علاقات ملابس- فاضيين.. رشاقات أنا متأكدة إن كان عليهم هدوم الأسبوع اللي فات.. فتحت باقي أدراجي.. لقيت سويتر مش موجود.. بنطلونين جينز أنا ملحقتش البسهم..
سألتها "انتي اخدتي كام حاجة من حاجتي؟"
جانيت ضحكت وكأن الموضوع مش مهم وقالت "ياااا حبيبتي أنا بس بستلفهم.. احنا عيله.. وبعدين إنتي عندك هدوم كتير أوي.. انا ماكنتش فاكره إنك هتاخدي بالك"
روحت أوضة الغسيل.. الكياس بتاعة الزبالة اللي بتحط فيها الهدوم المتوسخة كانوا موجودين.. وكان كمان موجود كيس تالت أول مرة أشوفه.. فتحت الكيس وجواه لقيت هدوم تانية بتاعتي.. فستان لبسته مرة واحده بس السنة اللي فاتت ف فرح.. البالطو الشتوي الحلو بتاعي.. جزمة بوت..
سألتها وأنا ماسكه البالطو "انتي كنتي بترجعي دول انهارده؟"
قالت وهي ماشيه ورايا "اكيد كنت هرجعهم بعد ما استخدمهم.. انا كنت محتاجة بالطو حلو أروح بيه الكنيسة"
حمايا ف الوقت ده كان لسه ف أوضة المعيشة.. هادي تمامًا.. باصص ف
أتكلم بسخرية وقال "هي قالت إنك قولت لها إنها تقدر تستلف منك حاجات"
قولت له "انا عمري ما قولت كده"
جانيت قاطعت الحوار وقالت "طيب ما انتي دايمًا كنتي كريمة ف موضوع الغسيل.. انا افترضت بس"
قاطعتها المره دي وقولت لها "انتي افترضتي إنك تقدري تدخلي أوضة نومي وتاخدي أي حاجة انتي عايزاها؟"
قالت لي "متكبريش الموضوع.. دي مجرد هدوم"
طلعت تليفوني من شنطتي واخدت صور لكل حاجة.. الشنط.. الهدوم اللي على السرير.. الرشاقات الفاضية ف الدولاب.. وبعدين اتصلت بجوزي.. رد عليا من تاني رنه... قولت له "امك بتسرق هدومي من فترة"
قالي "ايه؟؟"
قولت له "امك بتاخد حاجات من أوضة نومنا كل خميس.. في شنطة كاملة مليانة بحاجتي هنا كانت عايزه تاخدها"
سمعته بيتنهد وقالي "خليني أتكلم معاها"
قولت له "لا.. انا اللي هتصرف".. قفلت معاه ولفيت وشي لجانيت وقولت لها "لمي غسيلك حالًا.. خدي كل حاجة بما فيها الحاجة بتاعتي اللي سبق أخدتيها.. واتفضلي امشي.. والا اقولك استني دقيقة.. انتي كنتي بتيجي بيتي.. وتسرقي مني من شهور.. انتي خلاص كده مش مسموح لك تيجي هنا تاني"
حاولت تجادل وتقول إني بتصرف بطريقة مش منطقية وإن العيلة بتشارك مع بعض.. جوزها أخيرًا وقف وقال لها "هاتي حاجتنا ويلا.. حاجتنا بس"
وفعلًا طلعت هدومهم المبلوله من الغسالة وحطوا كل
قولت له "بقولك ايه.. ادخل بص ف أوضة النوم"
دخل وشاف الرشاقات الفاضية.. الهدوم اللي امه رجعتها وكانت متطبقه ع السرير.. ووشه فورًا قلب.. وقال "هي بجد أخدت كل ده؟"
قولت له "كل خميس واحنا بنشتغل ومستأمنينهم ع البيت.. كانت بتدخل تدور وتنقي من أوضة النوم وكأنها ف رحلة تسوق"
جوزي قعد على الكنبة وحط ايديه على راسه وبعدها مسك تليفونه واتصل بامه وقال لها "مش هينفع تيجي هنا تاني.. اللي عملتيه مش مقبول.."
امه بدأت تزعق بصوت عالي لدرجة إني كنت سامعه صوتها طالع من التليفون وانا ف الجهة التانية من الأوضة.. جوزي قفل ف وشها..
تاني يوم أبوه جه البيت عندنا ومعاه البالطو والبوت.. وقال بهدوء "هي عايزاني اعتذر لك بالنيابه عنها.. هي محرجة منك"
قولت له "ما هي المفروض تبقى محرجة"
سألني "ينفع نكمل ونغسل هدومنا هنا.. انا هخليها متطلعش من أوضة الغسيل."
قولت له "لا".. ف هز راسه بالموافقة ومشي..
بعد أسبوعين جوزي قالي إن امه بتشتكي للعيلة كلها إني منعتها من الدخول بيتنا بسبب سوء تفاهم.. ف انا بعت الصور اللي اخدتها لمجموعة المحادثة بتاعة العيلة مع جملة واحدة "هو ده اللي هي بتسميه سوء تفاهم"
محدش رد عليا.. بس امه بطلت تتكلم ف الموضوع.. ولحد دلوقتي مش بتجيب عينها ف عيني ف
