انا بشتغل في بنك
أنا بشتغل ف بنك.. وعندنا برنامج تسكين للموظفين ممتاز.. كل العاملين ف البنك يقدروا ياخدوا قروض تمويل عقاري بهامش فايده قليل جدًا..
أغلب الناس لما بياخدوا قرض تمويل عقاري بيدفعوا 6 ل 7% فايده.. لكن موظفين البنك عندنا بيدفعوا فوايد قليلة جدًا ممكن توصل لـ 1.5% بس.. لو كان الأداء الوظيفي كويس وبتشتغل لمدة طويلة كفاية..
المشكلة بقى إن في عدد محدد صغير جدًا هو اللي مسموح بيه كل سنه.. ف الموضوع أشبه باليانصيب..
قدمت ف شهر يناير وانا مش متوقعة أي حاجة.. بس الشهر اللي فات جات لي مكالمة من إدارة التمويل وعرفت إني اخدت قرض تمويل بفايده 2% بس.. كنت بصرخ ف مكتبي ف الشغل من السعادة.. وكان شرط إني استخدم القرض ده قبل 31 ديسمبر.. أو اخسر الفرصة للأبد..
أهلي قالوا لي إنهم هيساعدوا ف المقدم بما إن معنديش مدخرات كفاية.. كل حاجة كانت ماشيه كويس أوي.. لحد ما قولت لحبيبي "راين".. أول ما عرف
سألني امتى قدمت على القرض العقاري.. ف قولت له إنه ده كان قبل ما نتقابل.. ف قالي "طيب.. انا اعتقد إننا المفروض نستني ونشتري بيت سوا بفلوسنا.. مش بفلوس أهلك.. انا مش عايز يبقى علينا أي ديون لحد.. قبل ما نعمل أي عملية شرا كبيرة زي دي"
انا كنت مستغربة وقولت له "راين.. دي فايده بقيمة 2% بس.. انت عارف أد ايه ده شيء نادر؟ اغلب الناس ممكن يق.تلوا على فرصة زي دي"
بس هو فضل يقاوم الفكرة ويقول إن عنده خطة خمسية هنحوش فيها سوا ونشتري بيت أحلامنا من غير أي مساعدة من العيلة.. خلاني احس إن قبولي مساعدة من أهلي.. حاجة أشبه بالخيانة أو إني اخترت الطريق السهل..
حاولت اشرح له إني لو سيبت الفرصة دي عمري ما هاخدها تاني.. البنك بيعمل القرعة دي مرة واحده ف السنه.. ومفيش أي ضمان إني ممكن أكسب مرة تانية..
كمان
راين بان عليه الإحباط وقال "لو كملتي ف الموضوع ده.. هحس إنك بتعملي قرارات حياتية كبيرة بدون ما تفكري ف مستقبلنا مع بعض.. ايه اللي هيحصل لو انفصلنا وانتي اتدبستي ف القرض لوحدك؟"
حسيت تعليقه ده ضايقني جدًا.. حسيت إنه قلقان على اللي هيحصل لو مكملناش.. أكتر من حماسه إننا نبني حياة سوا..
ف قررت إني هكمل.. وهشتري البيت..
كان بيت مكون من 2 أوضة نوم.. وجنينه خلفية صغيرة.. والقسط اللي بدفعه كل شهر كان أقل من إيجار الشقة الصغيرة اللي كنت قاعده فيها قبل ما اشتري البيت..
راين فضل غضبان جدًا لمدة أسبوعين.. بس ف الأخر رجع لعقله لما شاف أد ايه أنا مبسوطه.. حتى إنه ساعدني أنقل حاجتي وارتبها ف البيت.. وده كان تصرف لطيف جدًا منه.. بس ده كله ميبررش اللي عمله..
بعد 3 شهور من وقت
كنت متحطمه ف البداية.. وبعدين أدركت إني قاعده ف بيتي.. اللي بمتلكه.. اللي بدفع تمنه على مهلي.. بفايده قليلة.. ف حي انا بحبه.. لو كنت سمعت كلام راين.. واستنيت خطة الخمس سنين بتاعته.. كان زماني رجعت للمربع صفر دلوقتي..
زميلتي ف الشغل "سارة" جت تزورني ف البيت الأسبوع اللي فات.. وقالت لي "يا بنتي.. دي ربنا نجدها نوسه.. أي راجل يحاول يقنعك تتخلي عن قرض تمويل بفايده 2% مش بيفكر ف مصلحتك.. "
وفعلًا كان عندها حق.. راين ماكنش بيفكر ف مستقبلنا مع بعض.. كان بيفكر ف مستقبله وازاي استقلالي المادي ممكن يخرب خططه إنه يتحكم ف علاقتنا..
دلوقتي أنا سينجل.. معنديش ديون إلا أقساط القرض الرائع بتاعي.. وبصحى كل يوم الصبح ف بيتي.. اللي قيمته بالفعل زادت حوالي 30 ألف
Dodo✌️
