كنت قاعد ف كافية
كنت قاعد ف كافيه بذاكر عشان الامتحانات النهائية لما واحده ست طلبت مني تستلف الشاحن بتاعي لأن بتاعها بايظ.. قولت لها "طبعًا.. بس من فضلك هاتيه بعد كام دقيقه"..
عدت ساعة.. مجابتش الشاحن.. روحت ناحيتها وطلبت منها الشاحن بتاعي عشان اللاب توب قرب يفصل.. الست اتعصبت جدًا عليا وقالت لي "انا معايا مكالمة فيديو مهمة جدًا.. انت محتاج تستنى"
شرحت لها إن عندي امتحان تاني يوم ومحتاج أكمل مذاكره.. ف قلبت عينيها بملل وقالت "الواجب بتاعك مش أهم من الاجتماع بتاع شغلي.. "
سيبتها لمدة 15 دقيقة وروحت تاني طلبت منها بأدب ترجع الشاحن.. المرة دي بقى عملت نفسها مش سمعاني وغيرت اتجاه الشاشه بتاعتها بعيد عني.. انا كنت قادر اشوف إنها بتكتب حاجة بغضب ع اللاب بس ماكنتش عارف بتكتب ايه..
لما قربت منها لتالت مرة رفعت صوبعها وهي بتقولي "ششششش.. انت مش شايف إني بشتغل؟ في ناس منا عندهم اشغال حقيقية"
قولت لها "الشاحن معاكي بقاله ساعتين"
ف بصت لي بسرعة وبقرف وقالت "هرجعه لما اخلص.. بلاش تبقى زنان"
الراجل اللي ف الترابيزه اللي جنبها ميل عليا وهمس "يا صاحبي.. ده الشاحن بتاعك.. انا شوفتها بتستخدمه من بدري"
الست سمعته واتعصبت عليه هو كمان وقالت
ساعتها قررت اروح استنى ف الترابيزة بتاعتي وعملت مؤقت بـ 30 دقيقة كمان.. وهي فضلت تبص عليا من وقت للتاني وهي بتهز راسها وكأني بطلب منها حاجة مش منطقية.. لما المؤقت رن بعد النص ساعة روحت لها مرة تانية.. كانت لسه بتكتب..
قولت لها "يا فندم.. انا بجد محتاج الشاحن بتاعي دلوقتي"
ساعتها فقدت اعصابها تمامًا.. وقالت "انت قليل الذوق بشكل غير طبيعي.. كل شواية تقاطع شغلي.. قولت لك إني ف اجتماع مهم.."
ولما مديت ايدي عشان امسك الشاحن بتاعي.. ضربت أيدي بايدها واتكلمت بصوت عالي وقالت "الشخص ده بيضايقني.. ساعدوني"
كل اللي كانوا ف الكافيه كانوا بيبصوا علينا ف الوقت ده.. وهي كملت التمثيل الدرامي بتاعها وقالت "مش قادرة اصدق طلاب الجامعة الأيام دي أد ايه معندهمش ذوق"
راجل كبير قاعد ف زاوية الكافيه أتكلم وقال لها "ما تدي الواد الشاحن بتاعه"
بصت له بصه قا.تله وقالت له "اخرس يا فندم".. وساعتها كملت كتابة بغضب أكتر من الأول وكأنها بتعمل عرض للموجودين أد ايه هي مشغوله..
أخدت بالي ساعتها إنها عماله تصغر وتكبر الملفات اللي فاتحاها على شاشة اللاب بتاعها كل ما حد يعدي من جنبها..
الباريستا
كملت كلامها وقالت "بحاول اشتغل وهو مش عايز يسيبني لوحدي"
الباريستا كان باين عليه إنه محتار وبعدين سألها "بقالك أد ايه يا فندم بتستخدمي الشاحن بتاعه؟"
الست ردت عليه وقالت له "مش ده المهم.. المهم إني ف اجتماع شغل مهم جدًا واللي بيحصل ده مش احترافي بالمرة"
واحده ست كانت قاعده قريب من الترابيزه بتاعتها اتدخلت وقالت "انا قاعده هنا من الأول.. الست دي بتستخدم الشاحن من أكتر من ساعتين"
حرامية الشاحن وشها بقى أحمر.. وقالت بصوت عالي "كل واحد فيكم يخليه ف حاله.. دي مشكلة خاصه"
ف الوقت ده سألت الباريستا لو عندهم أي سياسة خاصة بالحاجات اللي ممكن حد يستلفها.. قبل ما يلحق يجاوب.. حرامية الشاحن وقفت بطريقة دراميه وقالت "تمام.. انا هتصل بمدير الكافيه.. ده إزعاج وتحرش وانا زبونه هنا وقاعده بفلوسي"
الباريستا ساعتها قال لها "يا فندم.. انا المدير"
ف قعدت في مكانها تاني وكان واضح عليها الإحباط وقال "تمام.. يبقى انت محتاج تسيطر على زباينك
حاولت أوصل معاها لحل وسط وقولت لها "بصي.. انت ممكن تستخدميه 10 دقايق كمان وبعدين انا بجد محتاجه تاني"
الحراميه كحت بضحك وقالت "10 دقايق؟ الاجتماع ده ممكن يستمر لساعات.. انت مضطر تستنى"
الراجل اللي قاعد ف الترابيزة اللي جنبها ودافع عني قبل كده وقف.. وقال لها "يا ست انتي اديله الشاحن.."
حرامية الشاحن اتكلمت وقالت "اللي بيحصل ده هبل.. انا مش هقدر اشتغل ف بيئة عدائية بالمنظر ده.. انتوا كلكم خربتوا انتاجيتي"
ف اللحظة دي اللاب توب بتاعها عمل صوت عالي.. صوت معروف.. صوت بداية مسلسلات وأفلام نتفلكس.. طول الوقت ده ماكنتش ف اجتماع مهم والا حاجة... كانت بتتفرج على نتفلكس..
الباريستا بص لها وقال "يا فندم.. انت محتاجة ترجعي ملكية الشاب ده له.. وتبطلي تقاطعي راحة باقي الزباين ف المكان"
بقها اتفتح معرفتش ترد.. وبسرعة حاولت تقفل الحلقة اللي اشتغلت بس الوقت كان فات.. قالت "لا.. الموضوع مش زي ما هو باين.. انا كنت بس باخد راحة سريعة من الاجتماع"
الراجل الكبير ف الترابيزه اللي ف الزاوية بدأ يضحك وبعدين قال "راحة سريعة؟؟ انتي بقالك ساعتين بتتفرجي ع المسلسل"
راحت خلعت الشاحن وحدفته عليا ولمت حاجتها وطلعت جري من
#Dodo✌️
