عندي عيلين
عندي عيلين.. إيما 8 سنين ولوكاس 6... أطفال طبيعيين.. بيلعبوا.. بيضحكوا.. بيتخانقوا ع اللعب.. مفيش حاجة يعني خارج المعقول..
اختي جنيفر عندها 3 ولاد.. أوليفيا 9 ومعاها توأم برودي وأشتون عندهم 7 سنين..
وفقًا لعيلتي ولاد جنيفر استثنائيين.. موهوبين.. مكتوب لهم العظمة.. أما بالنسبة لولادي أنا.. ف وفقًا لعيلتي برده عيال مزعجة.. صوتهم عالي.. أشقيا..
النظرة دي بدأت من سنين طويلة.. لما إيما كانت لسه بتحبي وكسرت فازه في بيت أهلي.. حادثة عادية ممكن تحصل.. البنت كان عندها سنتين بس.. بس جنيفر حولت المسألة لحاجة كبيرة.. وازاي ولادها عمرهم ما يعملوا حاجة زي دي..
من اليوم ده ولادي بقوا "العيال المتعة الاشقيا".. أي تجمع عائلي بقى عبارة عن مسابقة مين أحسن... مقارنات مستمرة..
"أوليفيا بتقرا كتب مستوى 5.. ليه إيما لسه بتقرا قصص الأطفال؟"..
"التوأم في فريق الكرة بتاع المدرسة.. ليه لوكاس مش بيلعب أي رياضة؟؟"..
بطلت أدافع عن ولادي بصوت عالي.. عمره ده ما ساعدهم والا خفف عنهم.. كل اللي كنت بعمله إني باخدهم في حضني وأقولهم إنهم مثاليين زي ما هما بالظبط..
من أسبوعين ماما اتصلت بيا عشان عيد ميلاد أوليفيا.. الحفلة كانت كبيرة.. بيت هوا.. خدمة أكل جاهز.. شخصيات الأميرات.. وكل ولاد العيلة معزومين.. قرايبنا وقرايب عيلة جوز جنيفر .. مفيش ولد أو بنت في العيلة مش معزوم.. ماعدا ولادي..
ماما قالت "ولادك بقى يتفرجوا في البث المباشر ع النت.. احنا هنطلع لايف عشان أي حد
قولت لها "ولادي مش معزومين؟؟ ولادي اللي في نفس المدينة؟؟ اللي على بعد 20 دقيقة بس من الحفلة؟؟"
ماما قالت "عارفه.. بس جنيفر شايفه إن كده أحسن"
قلبي اتقبض وسألتها "أحسن لمين؟"
ماما ردت "إيما ولوكاس تأثيرهم سلبي على ولاد جنيفر .. بيتحفزوا زيادة لما ولادك يبقوا موجودين"
فضلت ساكته شوية مش عارفه أقول ايه وبعد كده سألتها "يعني ولادي ممنوعين من حفلة عيد ميلاد بنت خالتهم؟"
ردت وقالت "لا مش ممنوعين.. بس مش معزومين.. الوضع مختلف"
لا الوضع ماكنش مختلف.. الوضع بالظبط زي ما اتقال.. قفلت من غير ما اتناقش.. في نفس الليلة جنيفر بعتت لي رسالة ع الخاص كاتبة فيها "أنا أسفه.. بس اللي ماما قالته صح.. ولادك بيعملوا دوشة جامده أوي.. وإيما محتاجة بيئة هادية عشان تحس بعيد ميلادها"
مردتش عليها.. قعدت مع ولادي وهما بيتعشوا.. كنت باصه لهم وهما بياكلوا الفراخ المقلية وبيتكلموا عن يومهم.. إيما حكت عن صاحبتها المفضلة.. ولوكاس وراني رسمه كان عاملها للكلب بتاعنا.. هما دول الولاد اللي عيلتي شايفين إن تأثيرهم سلبي!!
إجازة نهاية الأسبوع ده كان عيد ميلاد أوليفيا.. يوم السبت بعد الضهر.. أنا خلاص قررت اللي احنا هنعمله بدل ما نروح..
يوم الحفلة الصبح صحيت ولادي بدري.. وقولت لهم إننا هنروح في مغامرة.. سوقت 3 ساعات لحد ما وصلنا ديزني لاند – أكبر وأحلى ملاهي في الكوكب- كنت حاجزة الفندق من الليلة اللي قبلها.. حجزت يومين..
أول ما ركنا إيما عيطت
كنا واقفين في الصف مستنيين دورنا في لعبة فناجين الشاي لما تليفوني بدأ يرن.. ماما اتصلت 4 مرات.. جنيفر اتصلت 6.. وبعدها الرسايل بدأت توصل.. "انتي فين؟".. "مش بتردي على تليفونك ليه؟".. "اتصلي بينا حالًا".. تجاهلت كل الرسايل وركبت الفناجين مع ولادي..
بعد ساعة كاملة فتحت التليفون أبص ع الرسايل.. جنيفر كانت باعته رسالة طووويلة.. "مش قادرة أصدق تصرفاتك.. انتي كان المفروض تيجي تاخدي ولادي بعد الحفلة.. ماما وبابا مسافرين انهارده عشان الرحلة البحرية اللي حجزوها.. وانا معزومه على ريتريت -يوم للاسترخاء- في شغلي.. مين اللي المفروض هيقعد بالعيال؟"
قريت الرسالة 3 مرات عشان أتأكد إني فهمت صح.. يعني هما استثنوا ولادي ومنعوهم يحضروا الحفلة وقالوا لي إن ولادي تأثيرهم سيء.. ودلوقتي متوقعين إني أقعد بالعيال.. دول حتى مطلبوش.. هما افترضوا إني هعمل ده من غير استئذان..
هما للدرجة دي شايفيني قليلة.. الدادة المجانية اللي بتقعد بالعيال بالأمر واللي المفروض تبقى ممتنة لأي فتافيت بتترمي لها..
أخدت صورة لإيما ولوكاس قدام القلعة.. هما الاتنين كانوا بيبتسموا أكبرا ابتسامة شوفتها في حياتي.. بعتها لجروب العيلة مع جملة واحدة "الولاد يقدروا يشوفوا المتعة اللي احنا فيها في البث المباشر"
تليفوني ان.ف.ج.ر اتصالات.. ماما اتصلت 12 مرة.. جنيفر سابت 3 رسايل صوت.. الأول غضبانة.. التانية يأسه وهي بتتكلم عن تأثير
تاني يوم الصبح أخدت ولادي عشان يقابلوا شخصياتهم المفضلة.. لوكاس حضن السوبر هيرو – البطل الخارق- المفضل عنده.. وإيما اخدت توقيع 3 أميرات في الكراسة بتاعتها.. اتغدينا أيس كريم لأن كيفي كده..
بعد ضهر اليوم ده جينيفر بعتت لي رسالة بتطلب مني "لو سمحتي ارجعي عشان تقعدي بولادي.. هدفع لك اللي انتي عايزاه"... استنيت ساعة وكتبت لها الرد.. جملة واحدة "انا مش متاحة دلوقتي.. دوري على حد غيري"
جينيفر لغت الريتريت مع شغلها.. وخسرت الترقية.. بابا وماما كانوا على وشك يضيعوا الرحلة البحرية بتاعتهم واضطروا يجيبوا واحدة تقعد بالعيال بـ 400 دولار في يومين..
الأسبوع اللي بعده ماما جت لي.. وقفت على باب البيت.. وقالت "انتي محتاجة تعتذري لأختك"
ميلت لقدام وانا سانده ع الباب وقولت له "على ايه؟"
قالت لي "عشان اتخليتي عنها لما احتاجت لك"
قولت لها "جنيفر قالت ولادي تأثيرهم سيء على ولادها.. منعتهم يحضروا حفلة عيد ميلاد بنتها وبعد كده توقعت مني إني أقعد داده لعيالها؟؟.. انا متخلتش عنها.. انا بس بطلت أبقى متاحة طول الوقت"... بعدها قفلت الباب ودخلت..
الأسبوع اللي فات كان عيد ميلاد لوكاس.. عملت حفلة صغيرة في جنينة بيتي.. معزمتش ماما والا اختي وولادها..
ماما بعتت تسألي "ليه معزمتيناش؟".. بعت لها رسالة من سطر واحد.. "ده عيد ميلاد لوكاس وهو
#Dodo✌️
