بنت عم جوزي
بنت عم جوزي كيلي كانت بتموت.. مريضة سرطان.. عندها 22 سنه.. حياة كاملة قدامها للأسف المرض اختصرها.. كل أفراد العيلة كانوا متدمرين.. خصوصًا إنها تقريبًا كل اللي كانت بتتكلم عنه طول الوقت إنها تكون أم ف يوم من الأيام..
كانت طول الوقت بتستضيف كل أطفال الجيران.. كانت مفكره في أسماء لأطفالها المستقبليين..
لما كيلي تعبت.. حبيبها ديريك أتقدم لها فورًا.. احتفلوا بفرح صغير ف أوضة المستشفى بتاعتها لأنها كانت عايزه تتجوز قبل ما تموت.. كان حقيقي فرح حلو أوي.. كل الموجودين كانوا بيعيطوا..
بس بعد كده الأمور بقت غريبة.. أبو وأم كيلي جم ليا أنا وجوزي ف يوم من الأيام وعندهم طلب خلى جسمي قشعر.. طلبوا مننا إن كيلي تستلف بنتنا إيما اللي عندها 10 شهور لمدة كام أسبوع.. مش تستضيفها.. مش تقعد معاها.. لا.. تستلفها.. وكأنها كتاب ف مكتبة..
شرحوا ازاي كيلي نفسها تجرب تبقى أم.. حتى لو كانت هتمثل ده.. كيلي بالفعل كانت بتتفرج على أوض الأطفال وتصميماتها.. وأخدت كذا صورة.. ونشرتهم
ديريك كان معاها ف كل حاجة.. وبيقول إن التجربة هتساعد كيلي تحس بالاكتفاء قبل ما تموت.. أنا كنت مصدومه.. الست دي عايزه تلعب إنها أم مع بنتي أنا..
لما سألتهم هتهتم بيها ازاي من وجهة نظرهم وهتراعيها ازاي.. اتهربوا من الإجابات.. قولت لهم إيما لسه بترضع طبيعي.. قالوا هنفكر ف حل.. إيما عمرها ما باتت بعيد عني.. قالوا كيلي محتاجه كده أكتر من إحتياج إيما للروتين بتاعها
العيلة كلها بدأت تضغط علينا.. أبو كيلي قال فكروا فيها على إنها أجازة مجانية.. وأديكوا هتاخدوا فرصة تبقوا لوحدكم مع ابنكم اللي عنده 3 سنين.. بما إنكم خلفتوهم ورا بعض كده
التعليق ده ضايقني بجد.. جوزي كان متقطع ما بينا.. لأن كيلي بنت عمه.. بس أنا كنت مصممه.. استحاله عشان هي بتموت اسمح لها تعيش الأمومة المزيفة دي مع بنتي.. ده شيء مختل تماما..
أم كيلي اقترحت حل يرضي جميع الأطراف.. اللي هو ايه؟ إني أروح أزور إيما ف بيت كيلي مرتين يوميًا عشان أرضعها.. وكأني
الضغط بقى رهيب.. أفراد العيلة بقوا يقولوا عليا أنانيه ومعنديش قلب.. أم كيلي جت بيتنا وهي بتعيط وبتتحايل عليا عشان كيلي تعبت أكتر.. وديريك بكل بجاحة قالي انتي متعرفيش يعني ايه حب حقيقي
بس الحاجة اللي قفلت الموضوع تمامًا بالنسبالي.. لما عرفت إن كيلي بالفعل اشترت أوضة أطفال وحطيتها ف بيتها.. واشترت هدوم شبه بعض لها ولديريك ولإيما عشان يلبسوها ف الصور.. وقالت لأصحابها إنهم على وشك يبقوا أب وأم..
دي ماكنتش مجرد أمنية واحده بتموت.. دول بيخططوا للتلاعب بينا من أسابيع.. كيلي بقت تكتب بوستات تلقيح ع الفيسبوك عن ازاي في ناس بيحطوا نفسهم أولوية عن قرايبهم اللي بيموتوا.. والعيلة كلها كانت بتشارك البوستات دي.. اللي هدفها الأساسي تحسسني بالعار لحد ما اسلمهم بنتي..
أخيرًا كنت جبت أخري.. أنا كمان نشرت ردي على كل اللي حصل وشرحت ازاي وايه اللي طلبوا مني أعمله.. حطيت ف البوست كل تفصيل مريب وغريب عن
الردود جت فورًا.. الآباء التانيين ف العيلة الكبيرة كانوا مفزوعين.. حتى بعض من أصحاب كيلي كتبوا تعليقات على البوست وقالوا إن الطلب مش مناسب ومقلق..
أبو وأم كيلي اتراجعوا فورًا عن طلبهم.. وقالوا لكل الي بيسألهم إن الموضوع كله سوء تفاهم.. وإنه كل اللي كانوا عايزينه إن كيلي تقضي شوية وقت مع أطفال صغيرين عموما..
بس أنا كنت بالفعل عامله سكرينات لرسايلهم وهما بيطلبوا يستلفوا إيما تحديدًا..
ديريك بعت لي رسايل ع الخاص كلها غضب وهو بيقول إني وحش عشان اهانت ست بتموت... مش مهم لان بصراحة ده مش مبرر إنك تبقى عايز تسرق ولاد غيرك..
كيلي ماتت بعد 3 شهور.. العيلة لسه بتلومني إني رفضت أحقق لها أمنيتها الأخيرة.. ف الجنازة.. أم كيلي ماكنتش عايزه تبص لي.. ديريك أتكلم عن ازاي كيلي ماتت وهي قلبها مكسور عشان الناس
الأنانيه مساعدوهاش إنها تحقق
Dodo
