انا وحبيبي
أنا وحبيبي بقالنا 8 شهور سوا.. وكنت فاكره إن كله تمام بينا.. كان عنده امتحانات ف عرضت عليه أقعد معاه ف شقته.. واساعده ف الطبخ والتنضيف وهو يركز ف مذاكرته.. هبله.. كنت فاكره إن ده اهتمام بيه وحاجة حلوه وكده..
يوم الاتنين عملت له فراخ متبلة بالليمون والزعتر وخضار مشوي.. يوم التلات عملت له تاكو.. يوم الأربع قررت إني أروق عليه واعمل له مكرونة.. عشان دي الأكله المفضلة عنده.. مكرونه بصلصة إيطالي أصلي معمولة ف البيت.. كل مكوناتها طازه وجايباها من السوق المحلي .. الطماطم لوحدها كلفتني 18 دولار..
بدأت بشوي التوم لمدة 45 دقيقة.. وحتى خبزت عيش من الصفر عشان أعمله بالزبده الطبيعية وجبنه البارميجان..
الصلصة كان بقالها ساعتين بتغلي على النار عشان تستوي صح.. ضهري كان بيوجعني من الواقفه.. المطبخ كان كارثة.. بس مهتمتش لأني كنت عايزه أعمل حاجة حلوه لحبيبي ف الوقت اللي هو متوتر فيه ده..
حضرت السفرة بأطباق صيني حلوه بدل الأطباق الورق اللي كان بيستخدموها ف العادي.. ونديت عليه عشان يتعشى.. حرفيًا كان بيجر نفسه بعيد عن البلاي ستيشن.. كان بيلعب كول أوف ديوتي مع أصحابه بقاله أربع ساعات..
قعد ع السفرة من غير ما
سألته "في ايه؟"
قالي "الأكل مالوش طعم"
كنت محتارة جدًا لأني حرفيًا لسه دايقه الأكل من 10 دقايق وكان طعمه مثالي.. متوازن وغني.. بالظبط زي ما الصوص الإيطالي المفروض يكون..
سألته "قصدك ايه بالأكل مالوش طعم؟"
قالي "الصلصة مفيهاش أي بهارات.. بتاعة ماما أحلى بكتير"
قولت له "الصلصة اللي امك بتعملها احلى؟ امك حرفيًا بتكب برطمانين صلصة جاهزين ف حلة وتقول إنها عملاها ف البيت"
شوح لي بأيده وقالي "خلاص يا و$خه.. ابقي حطي ملح المرة الجاية".. وقام من قدامي ورجع للبلايستيشن تاني..
الطريقة اللي أتكلم بيها خلتني احس ببروده.. مش سخونية والا غضب.. لا بروده.. وكأنه بيقولي الكلمة دي عادي.. كأنه بيقولي أهلًا أو شكرًا.. وكأني الخدامه اللي اهله جابوهاله ومعرفتش اعمل الاكل كويس..
وقفت ف مكاني وانا لسه ماسكه حلة الصلصة ولابسه جوانتي الفرن ف ايدي.. الحلة اللي بقالي ساعتين بقلب فيها وبتابعها.. الوجبة اللي كلفتني كلها 30 دولار مكونات ونص يوم بحضرها.
مشيت لحد المكان اللي كان قاعد فيه.. كان لابس سماعة على ودنه.. وبالفعل بيضحك مع أصحابه.. وقفت وارا الكرسي بتاعه مباشرة.. مأخدش باله حتى إني واقفه وراه.. ورحت قالبه الحلة كلها بالصلصة اللي فيها على السجادة..
الصلصة بقت ف كل مكان.. وطرطشت على الكرسي الأبيض بتاع اللعب اللي كان لسه شاريه الشهر اللي فات بـ 300 دولار.. وعلى الشاشة قدامه.. ونقطت على المكتب والكيبورد.. ودخلت ف ألياف السجادة اللي أنا متأكده إنها استحالة تنضف بالكامل..
خلع السماعة من على راسه ونط وهو بيصرخ وبيقولي "ايه اللي بتهببيه ده؟"
أصحابه كانوا سامعينه بيزعق لانه مقفلش المايك.. حطيت الحله الفاضية بهدوء على مكتبه.. وقولت له "بما إن طبخي مش حلو كفاية عشانك.. تقدر بقى تنضف الفوضى دي بنفسك.. وتشوف هتطفح ايه من هنا ورايح"
فضل يزعق إني مجنونه وإن التأمين اللي دفعه ف الشقة راح عليه بسببي.. ف قولت له "لا.. انا مش مجنونه.. انا وسخه.. فاكر؟ ف انا بقى هتصرف زي الوسخين ما بيتصرفوا"..
بعدها سحبت شنطتي والشنطة اللي كان فيها الهدوم اللي بنام بيها.. وطلعت من الشقة.. وهو كان لسه واقف ف مكانه مصدوم.. والصلصة الحمرا مغرقه
سوقت لحد شقتي.. وطلبت سوشي بـ 40 دولار... النوع الغالي إلي فيه كابوريا.. وانا باكل بعت لي 12 رسالة.. أول كام رساله كان متعصب وبيقول إني اتجننت..
وبعدين اللهجة اتغيرت لذعر لما أدرك إن البقع مش هتطلع من السجاده.. وقال إني مدينه له بـ 500 دولار.. عشان يودي السجادة تتنضف ف مغسلة محترفه.. وإن كرسي اللعب بتاعه باظ.. عملت له بلوك وخلصت أكلي ف سلام..
تاني يوم الصبح أمه كلمتني.. كنت على وشك إني مردش بس كان عندي فضول اعرف هتقول ايه.. سألتني ايه اللي حصل.. لأن ابنها اتصل بيها وهو بيعيط ع السجادة..
حكيت لها الحكاية كلها.. كل التفاصيل.. الساعتين اللي طبخت فيهم.. الفلوس اللي دفعتها ف المكونات.. التعليق البارد الي قاله.. الشتيمه اللي قالها عادي جدًا وكأنه بينده على أسمي..
أمه سكتت لدقيقة كامله.. وبعدين قالت "جدعه احسن.. أصل انا معرفتش اعلم ابني يبقى محترم.. انا فشلت كأم بجد.. انا هعرف شغلي معاه واعلمه ازاي يعامل الستات.. وعلى فكرة أنا عمري ما قولت إن الصلصة بتاعتي مطبوخه ف البيت.."
المكالمة دي كانت من 3 أسابيع.. هو لسه ف البلوك.. وعرفت من صديقه مشتركه إن كل أصحابه هزقوه بعد ما سمعوا اللي حصل وهو
#Dodo✌️
