في فرحي
ف فرحي وبعد ما خلصت أنا وبابا الرقصة بتاعتنا.. حماتي العقربة باتريشيا أخدتني جنب بوفيه الحلويات.. كانت ماسكه المشروب ف ايديها وواضح إنها عامله دماغ..
وفجأة بعلو صوتها قالت "كلنا عارفين إنتي هنا ليه.. مجرد جرسونة حقييييره فجأة مهتمه بابني الناجح؟؟ متعمليهمش علينا يا طماعه"
حسيت إن جيمس جوزيي بيبص لها وهو متحفز.. جه علينا بس قبل ما يتكلم مسكت ايده وكأني بترجاه وبقوله "مش انهارده.. ده المفروض يبقى يومنا المثالي"
بس هي كملت كلام "انا شوفت بنات زيك كتير طماعين.. وش حلو.. حياة حزينة.
كل اللي كانوا واقفين كانوا مبرقين لنا.. سلفتي بقت مكسوفة تبص ناحيتنا..
أخت باتريشيا.. حاولت تجرها من مكانها.. بس هي رفضت وكملت "ايه؟ ما هي لازم تسمع الكلام ده.. دي على الأغلب حسبت بالظبط هتاخد أد ايه من تسوية الطلاق"
وقفت في مكاني.. في فستان جدتي.. الفستان اللي عدلته ولبسته عشان كنا بنوفر فلوس عشان ندفع مقدم بيت ليا ولجوزي.. حسيت حاجة جوايا اتكسرت.. ومقدرتش أسكت أكتر من كده..
قولت لها "عندك حق يا باتريشيا.. انا فعلًا مهتمة بالفلوس جدًا" بصت لي بضحكة انتصار
جيمس حاول يتكلم بس أنا قاطعته وكملت كلام "مهتمة بالفلوس جدًا.. خصوصًا الخمسين ألف دولار اللي صرفتهم على علاجك في المركز الطبي الخاص.. وال12 ألف دولار اللي دفعتهم في تجربة العلاج اللي تأمينك مغطاهمش.. وال3200 دولار اللي بدفعهم كل شهر من ساعة ما قعدتي من شغلك"
النظرة اللي كلها ثقة وانتصار راحت من وشها.. الأغاني سكتت.. الكل كان واقف وسامع وانا بشرح لها ازاي بقالي سنتين باخد ورديات زيادة عشان أقدر أساعد في علاجها..
ازاي بشتغل 16 ساعة كل يوم وبخدم زباين
جيمس كان واقف مصدوم.. لانه متصورش إنها ممكن تقول كده..
أمها.. جدة جيمس جت لحد عندي واعتذرت لي واخدتها من ايدها وخرجوا بره الفرح..
يومي باظ وماكنتش متخيله إنها بتفكر فيا بالطريقة دي..
بس قررت إني أوفر جهد ووقت وفلوس واوقف كل مساعداتي ليها.. عشان تعرف مين
#Dodo✌️
