في واحده كانت بتحكي إن جوزها طلقها

 في  واحده كانت بتحكي  إن جوزها طلقها لما اكتشفوا أثناء واحد من فحوصات الحمل إن الجنين مش هيبقى طبيعي.. وإنه غالبًا هيكون عنده متلازمة داون..

بتقول إنه ساعتها كان باين على وش جوزها الفزع لما رجعوا البيت.. وأول ما قعد واتكلم معاها قال لها "احنا لازم نتخلص من الجنين ده ونحاول تاني" بس هي قالت له إنها عمرها ما هتعمل كده وإن ده

ابنهم.. ف جوزها لما لقاها رافضة هددها بالطلاق لو منزلتش الجنين..

ف الست قالت له بكل صراحة أنا احسن لي اتطلق على إن ابني يتولد ويبقى عنده أب زيك.. وفعلًا اتطلقوا أثناء حملها مستناش لما تولد.. وكانت وقتها لسه بتدرس ف الكلية.. بتقول إن الوقت كان صعب جدا عليها وإن أسرتها الحمد لله كانوا موجودين وداعمينها..

وف خلال فترة قصيرة جدًا حتى قبل ما تولد

كان جوزها اتجوز ست تانية والست دي حملت منه.. وبعت لها ساعتها رسالة كتب لها فيها "ابني هيبقى سليم.. مش زي ابنك.. حظك وحش" ف هي عملت له بلوك وفكرت مع نفسها ووصلت لنفس النتيجة.. أيًا كان حالة ابنها هي هتحبه وهتحميه من أي حاجة..

عدت الشهور فعلًا وولدت.. والولد اتفحص بعد الولادة وكان سليم 100%.. الدكتور اللي ولدها قال لها إن من الشائع إن الأجنة

بيتغلط ف تشخيصها.. وساعتها هي عيطت جامد جدًا لأنها حست إن إيمانها ربنا اختبره بجد وإنها لما صبرت ربنا كافئها..

بعد كام شهر أخت طليقها زارتها عشان تشوف الولد.. وقالت لها الحاجة اللي فاجأتها تمامًا وهي إن ابن طليقها من مراته الجديده اتشخص داون أول ما اتولد.. وإنه اخوها كان متعصب جدًا لدرجة إنه ساب الأوضة والمستشفى كلها ورفض يعترف بالولد .. تمت

#Dodo✌️