انا بقالي ٢٠ سنة
أنا بقالي 20 سنة بحاول أبقى أم مثالية لبنت بالظبط شبه الراجل اللي دمر حياتي.. أنا عمري ما قولت لها الحقيقة عن ازاي انا حملت فيها.. أنا ماكنتش عايزاها تشيل الحمل ده..
جوزي أشجع راجل عرفته في حياتي.. وقف جنبي ووافق يربيها عشان كانت بتعدي عليا أيام ماكنتش حتى بقدر أبص لها من غير ما افتكر اللي حصل لي..
هو اللي مد ايده لما كنت بغرق ف الضلمة وشدني.. وحبها زيها زي ولاده.. من 3 شهور بس العالم بتاعنا كله اتقلب.. لما جوزي عمل حادثة عربية كبيرة.. هو عايش.. بس هو دلوقتي بيستخدم كرسي متحرك لحد ما رجليه تخف..
بعد ما رجع البيت من المستشفى بنتنا مايا قعدتنا وقالت لنا بما إن بابا مش هيقدر يسلمني لعريسي ف الفرح زي الناس.. ف انا قررت أجيب أبويا البيولوجي.. أنا عرفته من خلال اختبار دي ان ايه عملته من سنه.. ومن ساعتها بتواصل معاه.. أنا عزمته على الفرح.. مش كضيف.. هو اللي هيسلمني لعريسي.. عشان أنا مش حابه إن الصور يبقى فيها الكرسي المتحرك.. كده الصور مش هتطلع مثالية زي ما أنا متخيله
حسيت إن حد ضربني بالبوكس ف معدتي.. حاولت أفضل هادية.. قولت لها انتي مش فاهمه انتي بتقولي ايه وعايزه ايه.. الراجل ده خطر وأنا استحاله أبقى معاه في نفس المكان
مايا قلبت
ف الدقيقة دي قررت أكسر الصمت.. قعدتها عشان أقولها الحقيقة.. قولت لها عن الليلة اللي حملت فيها.. وعن تقارير البوليس اللي كنت مرعوبة أتابعها ساعتها.. وعن سنين العلاج النفسي اللي كنت محتاجاها بس عشان أقدر أقوم من مكاني واتعامل..
كنت فاكره إني لو قولت لها ده هيغير كل حاجة.. كنت فاكره إنها هتفهم ليه أنا مقدرتش اتنفس لما سمعت اسمه.. مايا عيطت.. حضنتني.. وقالت انا اسفه جدًا
لمدة أسبوع كنت فاكره إننا خلاص تمام.. لحد التلات اللي فات لما مايا اتصلت بيا وقالت لي إنها عايزه تاخدني لغدا هادي.. أنا وهي فقط.. عشان تساعدني أسترخي قبل توتر الفرح...
أخدتني لكافية صغير على أطراف المدينة.. أول ما دخلنا شوفت واحد قاعد على ترابيزه على جنب.. حتى من ضهره كنت قادره أميز شكل راسه.. عرفته من طريقة قعدته..
مايا زقتني ناحية الترابيزة وقالت لي هو عنده حاجة عايز يقولهالك.. أنا اتكلمت معاه وهو جاهز يعتذر عشان كلنا نبقى عيلة واحدة كبيرة سعيدة عشان الفرح.. أنا بحاول أسهل عليكي عملية التعافي
لحظة ما بص لي
أنا لحد دلوقتي مش فاكره ازاي وصلت عربيتي.. كل اللي فكراه إحساسي بالرعب من إني قريبة منه مرة تانية.. لما وصلت البيت انهرت.. ولادي الكبار الاتنين لقوني واقعه على أرض المطبخ.. لما حكيت لهم اللي حصل واللي مايا عملته.. اتعصبوا جدًا منها..
هما كانوا عارفين من زمان إني عندي تاريخ حساس.. بس ماكنوش عارفين التفاصيل.. لحد الليلة دي.. كانوا حاسين بالقرف إن اختهم ممكن تنصب فخ لأمها مع الشخص اللي اعتدى عليها..
بنتي الكبيرة هي اللي أخدت الموضوع للسوشال ميديا.. كتبت بوست طويل عن الولاء وعن ازاي مايا بتختار وحش عن الست اللي ولدتها والأب اللي فعلًا رباها.. ابني عمل مشاركة للبوست.. ف خلال 24 ساعة بس كل العيلة وأصحاب مايا كانوا عارفين هي عملت ايه بالظبط..
خطيب مايا اتصل بيا.. كان متدمر.. قالي إنه معندوش أدنى فكرة عن كل اللي بيحصل ده.. وإنه هو مش هيقدر يتجوز شخص مفضل شوية صور عن أمان وسلامة أمها.. لغى الفرح..
دلوقتي تليفوني مش ساكت بسبب الرسايل الصوتية اللي مايا بتبعتها.. عماله
بتقولي إن أبوها البيولوجي هو الوحيد اللي بيدعمها دلوقتي.. وإني أنا مجرد ست غلاوية مش عايزه
انسى الماضي..
أنا حاسه بالذنب بشكل فظيع.. انا عمري ما كنت عايزه حياتها تنهار بالشكل ده أنا بس كنت عايزه أبقى ف أمان..
جوزي بيقولي إن مايا اختارت الي هي عيزاه وهي دلوقتي بتواجه نتايج اختياراتها.. وقلة تعاطفها مع غيرها.. بيقولي إننا لازم نحافظ على سلامنا.. حتى لو ده معناه إننا هنخسرها شوية..
أصعب حاجة عليا إن مايا عايشه مع الراجل ده دلوقتي.. بعتت لي صورتهم وهم بيتعشوا ف مطعم وهي بتقولي إن هو عيلتها الوحيدة الحقيقية اللي اتبقت لها.. حسيت إني هرجع..
اتصلت بيها عشان اتحايل عليها عشان ترجع البيت.. بس هو اللي رد ع التليفون.. مجرد سماع صوته مرة تانية خلاني أحس بالتعب الجسدي..
قررت إني ارجع خطوة لورا.. اسيبها براحتها.. بلغتها إني هعمل بلوك لرقمها.. لحد ما تقطع علاقتها بالراجل ده.. وبتمنى إنها تقدر ف يوم من الأيام تشوفه على حقيقته.. بس لحد الوقت ده ما يجي.. أنا مش هقدر اسمح لها تجرني معاها للضلمة تاني.. انا نجيت منه مرة.. ومش هسيبه يكسب مرة تانية من
Dodo
