اهلي كانو مقتنعين
أهلي كانوا مقتنعين إن التوأم المتطابق لازم يبقوا نسخة من بعضهم ف كل حاجة.. لأنهم كده هيبقوا نموذج للمثالية.. أي اختلاف بني وبين اختي "ميرا" كان بالنسبالهم عيب محتاج تصحيح..
كنا بنلبس نفس الهدوم.. بنعمل نفس قصة الشعر.. وطول الشعر بالسم ع المسطرة.. بناكل نفس كميات الأكل بالظبط محسوبة بالكالوري.. لما ميرا زاد وزنها ربع كيلو عن وزني بعد عيد الشكر.. ماما خلتها تجري على المشاية لحد ما بقى وزنها نفس وزني..
كل يوم الصبح كان بيبدأ بنفس الطريقة.. كنا بنقف ف الحمام وماما تقيس كل حاجة.. طول الشعر بالمسطرة.. الوزن على الميزان بالجرام.. كانت بتقيس وسطنا.. دراعتنا.. تدويرة وشنا..
ساعات تزعق وتقول "2 سم زيادة" وهي بتقرص خد ميرا.. وتكمل وتقول "احنا محتاجين نقلل نسب الصوديوم عندك.. عشان الماية اللي ف جسمك تنزل"..
كان لازم احنا الاتنين يبقى عندنا نفس الهوايات حتى واحنا عكس بعض تمامًا.. ميرا كانت بتحب الفن.. بس أنا اتفرض عليا اتعلم رسم معاها لأن ايدي كانت ثابته أكتر.. انا بحب كرة القدم بس ميرا أجبروها تلعب عشان رجليها تطور بنفس طريقة تطور رجليا..
بابا كان يقول "انتوا مش أفراد.. انتوا نصين لواحد كامل مثالي"..
لما وصلنا سن البلوغ.. ميرا جسمها اتطور أسرع.. ف ماما بقت تلف صدرها برباط ضاغط وتقولي "لحد بس ما تكبري إنتي كمان"..
وشنا كمان بقى يتغير ف المراهقة.. مناخير ميرا بقت أكبر من مناخيري بحاجة بسيطة..
ميرا قالت بهدوء "انا مش عايزه اعمل عمليات"
ماما ردت عليها "مش مهم انتي عايزه ايه.. انتوا توأم متماثل.. دي هدية من ربنا وانا مش هيسبكم ترموها عشان أنانية المراهقة بتاعتكم"
الليلة دي فكرنا نهرب.. خططنا وبدأنا نحوش فلوس من عيد ميلادنا والمصروف.. دورنا على مسارات ومحطات الأتوبيسات.. كان عندنا بنت عم عايشه ف مدينة بعيدة كان ممكن تساعدنا.. كنا حريصين وصبورين لمدة سنة..
وبعدين ماما لقت الفلوس اللي حوشناها ف صندوق جزمة تحت سرير ميرا..
قعدتنا قدامها على ترابيزة المطبخ وهي بتعد الفلوس قدامنا.. وسألت "الفلوس دي عشان ايه؟؟"
قولت لها "كنا بنحوش عشان نجيب عجلتين زي بعض"
قالت بحده "متكدبوش عليا.. انتوا كنتوا هتمشوا وتسيبونا.. بعد كل حاجة عملناها عشان نخليكم مثاليين.. كنتوا هترموا كل ده"
حبسونا ف أوضتنا لمدة أسبوع.. لا مدرسة والا تليفون.. وبالعافية بيدونا أكل.. وبعدين قالوا لنا إنهم طلعونا من المدرسة.. وهنتعلم من البيت..
كان قدامنا 4 شهور بس على معاد العملية.. ومفيش أي طريق نهرب بيه من اللي هيحصل.. وبعدين ف يوم ميرا كانت مع بابا ف مشوار.. لما عملوا حادثة بالعربية.. وشها دخل ف الازاز بتاع العربية..
كنت ف البيت مع ماما لما المستشفى اتصلت تبلغنا..
افتكرت إن يمكن دي تبقى الحاجة اللي أخيرًا تكسر الهوس اللي عند بابا وماما.. وللأسف كنت غلطانة..
بعد 3 أيام من رجوع ميرا البيت.. بابا وماما ندهوا عليا ف المطبخ لوحدي.. بابا فرد صور على الترابيزة.. كانت صور لوش ميرا بعد الحادثة.. وشها بعد كل عملية.. تقارير مفصله عن كل عضمه اتعملها ترميم..
سألتهم "ايه ده؟"
ماما قعدت جنبي وحطت ايديها على كتفي وقالت "احنا لقينا جراح ف المكسيك متخصص ف عمليات بناء الوجه.. والحمد لله وافق يماثل وشك بوش ميرا بعد العمليات بالظبط"
سألتها "تقصدي ايه ب يماثل؟"
قالت "يكسر فكك ويرممه ف نفس الأماكن.. يعمل شرخ ف عضم خدك ويصلحه.. يعيد تشكيل شكل مناخيرك عشان تبقى شبه مناخير ميرا ويعمل لك نفس الجروح اللي ف وشها"
بابا ابتسم وكأنه بيقولي أخبار حلوه وقال "هو كمان وافق يستخدم نفس الصفايح التايتنيوم اللي استخدموها لميرا عشان عضمك لما يلتئم يبقى متماثل زي ما كنتوا."
ماما قالت "هنسافر له يوم الجمعة"
جريت على أوضتي.. وهزيت ميرا عشان تصحى.. وقولت لها "عايزين يكسروا وشي عشان يبقى زي وشك.. لقوا جراح يوافق... هنسافر يوم الجمعة"
وش ميرا اللي اتعور بقى باهت ومصدوم.. وقالت "هما اخدوا مقاسات الجروح بتاعة
قولت لها "لازم نعمل حاجة دلوقتي"
قالت لي "انا مش قادرة اتحرك"
قولت لها "يبقى انا اللي لازم اعمل.. ساعديني بس افكر"
ميرا مسكت دراعي بقوة أكبر من الي توقعتها من واحده لسه طالعه من 5 عمليات.. وقالت "انا مدخلتش ف الازاز ده عشان اقف اشوفهم وهما بيدمروكي.. هاتي الورق اللي معاهم.. هاتي الصور واسم الجراح.. هاتي كل حاجة"
استنيت لحد الساعة 2 الصبح لحد ما اهلي ناموا.. نزلت تحت وانا بتسحب وصورت كل حاجة على ترابيزة المطبخ.. معلومات التواصل مع الجراح.. قائمة العمليات اللي مستنياني.. السعر اللي اتفقوا إنهم يدفعوه..
بعتنا كل حاجة لبنت عمي اللي كانت هتساعدنا.. بعتناها للمدرسين اللي كانوا بيدونا ف المدرسة.. لأي حد جه ف دماغنا ساعتها..
وبعدها اتصلنا بـ 911.. أهلي صحيوا على صوت عربيات البوليس قدام البيت.. بابا قال للظابط "ايه الجنان ده؟؟ احنا بنحاول نساعدها.. بنحاول نخلي عيلتنا مثالية.. انتوا عارفين أد ايه التوأم المتماثل دول شيء نادر؟"
الظابط قاله "يا فندم أنت استعنت بجراح عشان يشوه بنتك"
بابا قال "ده مش تشويه.. انا عايزها تبقى زي اختها.. في فرق.. هما توأم متماثل ربنا خلقهم عشان يبقوا متماثلين"
قبضوا يومها على بابا وماما.. واحنا روحنا نعيش مع بنت عمنا.. الجروح اللي ف وش ميرا بتخف أسرع ما الدكاترة توقعوا.. وبدأت تعرف تبتسم تاني..
لأول مرة من 18 سنه شكلنا
#Dodo✌️
