انا متجوزة
أنا متجوزه "جيمس" من 3 سنين.. وأمه نقلت بيتنا مؤقتًا من كام شهر.. عشان بيتها كان في تجديدات.. من أول ما نقلت البيت عندي وهي كانت طول الوقت تقول تعليقات عن رغبتها في إني أجيب لها أحفاد.. والتعليقات بقت محاضرات يومية..
كانت تقول "في سني المفروض أبقى بهز أحفادي على رجلي.. مش لسه مستنيه لما تبطلوا انانيه".. لازم كل يوم الصبح أفطر وانا بسمع جملتين شبه دول وهي بتهبد مج القهوة بتاعها ع الترابيزه قدامي..
كنت أرد عليها وأقول "احنا مستنيين نستقر ماديًا.. انا وجيمس لسه بنسدد قروض التعليم بتاعتنا.. وبنحوش عشان نشتري بيت"
ف كانت حماتي تقول "عمر ما هيبقى في وقت مناسب عشان تخلفوا.. العمر مش هيستناكي يا حبيبتي".. الطريقة اللي كانت بتقول بيها "يا حبيبتي" كنت بحسها إهانة..
جيمس كان بيتكلم معايا ومعاها ويدينا أعذار.. كان مزنوق بيني وبين أمه.. مكانش عارف يختار يريح مين فينا.. وف الأخر بيسكت عشان ميواجهش حد فينا..
ف يوم صحيت حاسه بحاجة غريبه.. عايزه ارجع ودايخه.. وكان بقالي كام يوم بنام كتير.. حبوب منع الحمل بتاعتي كان شكلها كمان مختلف شوية.. لما ركزت فيها.. كان لونها أخف من اللون المعتاد.. حاجة خلتني اشك .. ف رحت فتشت ف زبالة الحمام.
ايدي بدأت تتهز وانا بدرك اللي انا شايفاه قدامي.. بدل ما أواجه حماتي مباشرة.. رحت للدكتور بتاعتي.. واللي أكدت شكوكي.. باختبار حمل.. الدكتورة قالت "انتي حامل ف 6 أسابيع.. هو انتي كنتي بتحاولي؟؟"
شرحت لها الموقف كله.. وتعابير وشها اتغيرت.. وقالت "اللعب ف أدوية حد مش بس اختراق للخصوصية.. لا دي كمان جريمة" وادتني وثائق وترشيح لمحامي بخصوص اللي حصل..
ف نفس اليوم بالليل قولت لجيمس وحماتي إن عندي أخبار حلوه وهحضر لهم عشا مميز..
طبخت الأكل اللي بتحبه حماتي... فراخ مشوية مع بطاطس... ورتبت الترابيزة وطلعت الصيني الغالي بتاعي..
حماتي كانت في قمة سعادتها.. حرفيًا بتلمع من السعادة.. غالبًا فاكرة إن خطتها نجحت.. وان انا حملت وناوية أعلن عن حملي.. جيمس كان باين عليه التوتر.. وحاسس إن في حاجة مختلفة في سلوكي.. ميعرفش انا ناوية ع ايه وأما حماتي تعرف هتتصدم ..
قولت "انا عندي اخبار جميلة" وشوفت وشها اللي باين عليه الفضول والحماس.. وكملت كلام وقولت "انا وافقت على عرض الشغل الي جاي لي في سياتل.. المرتب هيتضاعف"
ابتسامة
قولت "الشركة عرضت عليا خطة رعاية أطفال ممتازة.. بمجرد ما نستقر على بعد 3000 ميل من هنا ممكن نفكر نخلف.. ف الوقت اللي يناسبنا.. باختيارنا"
بعدها مديت ايدي ف شنطتي وحطيت العبوات الفاضية بتاعة الحلويات ع الترابيزة جنب طبق حماتي.. وقولت لها "اللعب ف أدوية حد دي جريمة يا ليندا.. وعلى فكرة المحامي بتاعي هياخد الإجراءات كاملة"
وش حماتي بقى أبيض تمامًا.. وجيمس كان باين عليه عدم الفهم.. لحد ما شرحت له أمه عملت ايه.. وقولت له "امك بقالها فترة بتبدل حبوب منع الحمل بتاعتي بحلويات.. أنا دلوقتي حامل بسببها"
بقه اتفتح من الصدمة وقال "ماما.. انتي عملتي كده؟"
بس تعبير الذنب اللي كان على وشها أكد لجيمس كل حاجة.. وقالت "انا كنت عايزه مصلحتكم.. انتوا بتضيعوا أحسن وقت ف حياتكم".
أنا قاطعتها وقولت لها "مصلحتنا إننا ناخد قراراتنا بنفسنا من غير تدخل من حد فاكر نفسه فاهم كل حاجة"
جيمس كان مرعوب.. أخيرًا فهم الضرر ف اللي امه عملته.. واتحايل عليا إني ماخدش أي إجراء ف القضية.
بصيت لأمه اللي حسيت إنها انتهكت خصوصية جسمي.. وقراراتي وجوازي.. وماكنتش حاسه بأي حاجة إلا بغضب.. ف قولت له "كان المفروض إنها تفكر في النتايج قبل ما ترتكب جريمة"
بس منظر جيمس قدامي كده خلاني أخد القرار.. قولت له "انا مش هرفع عليها قضية بشرط واحد.. تمشي من بيتي انهارده ومتحاولش بأي شكل تتواصل معانا تاني"
ليندا حماتي لمت شنطها ف نفس اليوم وهي ساكته.. من وقت للتاني كانت بتبص لي بكره خالص.. وهي ماشيه خلاص ع الباب.. لفت وقالت للمرة الأخيرة "بكره تندمي ع اللي بتعمليه ده.. العيلة هي كل حاجة.. وانتي بتدمري عيلتنا"..
قفلت الباب ف وشها.. وقولت للبيت الفاضي "لا.. انتي اللي دمرتي العيلة لحظة ما قررتي إن جسمي يخصك عشان تتحكمي فيه"
نقلنا سياتل بعد شهرين.. الحمل انتهى ف الأسبوع التامن.. حاجة بتحصل لكتير من الحوامل.. بس أنا كنت مقتنعه إن حالتي النفسية بسبب الموقف اللي حصل هو السبب.. جيمس كان محطم.. بسبب خسارة الجنين ودور أمه ف كل حاجة حصلت..
بعد 3 سنين خلفنا بنتنا.. كنا مخططين لها.. عايزينها.. وحملت فيها برغبتنا وشروطنا بالكامل.. ليندا عمرها ما قابلت حفيدتها.. ومش هتقابلها.. بتبعت
#Dodo✌️
