بنتي كيم
بنتي "كيم" كانت بتحلم تدخل جامعة كولومبيا من وقت ما كان عندها 12 سنه.. حاطه بوسترات للجامعة على حيطان أوضتها.. عندها تيشيرتات عليهم شعار الجامعة ف دولابها..
بس جامعة كولومبيا غالية.. 80 ألف دولار ف السنة.. وأنا أم وحيدة بشتغل وظيفتين.. عمرنا ما هنقدر نتحمل التكلفة دي ..
ف لما كيم جت البيت من 3 شهور وهي بتصرخ وبتقول بكل حماس إنها كسبت منحة مؤسسة ميرسر الكاملة لجامعة كولومبيا.. عيطت معاها.. المنحة كانت شاملة كل حاجة.. 280 ألف دولار.. 4 سنين مدفوعين بالكامل.. حلمها بجد بيتحقق..
حفلة توزيع الجوايز كانت يوم جمعه.. كنت قاعده ف تالت صف ف القاعة.. لما ندهوا على اسمها.. مشيت على المسرح قدامي وهي لابسه روب التخرج.. وشاح الطلبة المتفوقين على صدرها.. ماكنتش قادة أبطل عياط..
مدير المدرسة بنفسه كان بيقدم الحفلة وقال "المتبرع قرر يجي بالطيران من نيويورك عشان يقدم المنحه بنفسه" الكل ف القاعة كانوا بيصقفوا.. ساعتها شوفت راجل جاي من الباب اللي جنب المسرح.. لابس بدله رمادي غاليه.. بزراير فضة.. مبتسم وواثق ف نفسه..
دموعي وقفت وايدي مسكوا ف ايدين الكرسي اللي كنت قاعده عليه جامد.. أنا عارفه الراجل ده.. طلع على المسرح ومسك ايد بنتي يسلم عليها.. سحب كيم عشان يحضنها.. هي كانت بتضحك له وكأنه غير حياتها كلها بالفعل..
عشان تفهموا الموضوع.. لما كيم كان عندها 4 سنين.. استعنت بمدرب بيانو اسمه "دايفيد ميرسر".. كان بيجي بيتنا يعلمها.. وف ليلة وانا
فورًا اتصلت بالبوليس وعملت محضر.. ومنعته يجي البيت ووديتها لأخصائي نفسي.. بس هي كان عندها أربع سنين بس وبالتالي شهادتها متضاربه ومش موثوقة.. وماكنش في أي أدلة مادية.. وبالتالي القضية اتقفلت لعدم كفاية الأدلة..
بس انا ماكنش فارق لي البوليس بيقولوا ايه.. أنا كمان كنت ضحية وأنا طفلة.. وشوفت ف عين بنتي النظرة اللي خلتني أصدق إنها بتقول الحقيقة..
ف الليلة دي لميت حاجتنا ف شنطتين وحطيت كيم ف العربية وبدأت اسوق.. ماكنتش عارفه رايحه فين.. بس كنت بحاول أبعد على أد ما أقدر.. بعد 6 ساعات سواقه وقفت ف محطة بنزين ف وسط مكان معرفهوش.. الساعة كانت 2 الصبح وماكنش في أي حد حوالينا..
كنت بحط بنزين ف العربية لما شوفت أضواء عربية بتركن قريب مني.. عرفت عربية مين فورًا.. دايفيد نزل من العربية ومشي ناحيتي وهو مبتسم وكأننا اتقابلنا ف السوبر ماركت وقالي "انتي فاكره نفسك هتقدري تهربي مني؟"
سحبت كيم من كرسيها وجريت جوه محطة البنزين وطلبت الشرطة.. بس قبل ما يوصلوا كان مشي.. ركبت عربيتي وفضلت سايقه.. موقفتش إلا لما وصلت على حدود ولايه تانية..
لمدة 14 سنة كنت فاكره إننا ف أمان.. بس اديه أهو قدامي.. واقف على نفس المسرح مع كيم وهي بتتخرج من الثانوي.. مبتسم للكاميرات..
وقفت ف مكاني وجريت على المسرح.. لحد ما
قولت لها "كيم.. يلا بينا نمشي حالًا"
الكل سكتوا مرة واحده وهما بيتفرجوا عليا وأنا على وشك انهار تماما وبتكلم بعصبيه.. كيم بصت لي باستغراب وبإحراج وقالت "ماما.. ده هو الي هيحقق لي حلمي.. بتعملي ايه؟"
شديتها من أيديها وحاولت أبعدها عنه.. الكل شهقوا مرة واحده.. بس دايفيد متحركش من مكانه.. سألني وكأنه بطل "كل حاجة كويسة يا مدام؟"
كيم شدت أيديها من ايدي.. ووشها كان أحمر تمامًا وقالت "ايه مشكلتك؟؟ انتي عايزه تحرجيني؟"
دايفيد حط ايده تاني على كتف كيم.. والمدير مسك المايك وقال "يا مدام.. من فضلك اتفضلي.."
قاطعته وزعقت لدايفيد "شيل أيدك من على بنتي".. صوتي كان عالي وعنيف وعمل صدى.. في حد ف الناس اللي قاعدين بدأ يصورني بتليفونه.. بس أنا ماكنتش مهتمه..
كيم صرخت "ماما.. متبوظيش عليا اليوم تصرفاتك الي زي المجانين.."
زعقت ف وشها قولت لها "ده مجرم.. " وفجأة كل القاعة سكتت..
اتكلمت لكيم مباشرة "لما كان عندك أربع سنين أنا عينت الراجل ده عشان يعلمك بيانو.." شاورت على دايفيد..
كملت وقولت "بعد 8 شهور معاه قولتي لي حاجة خلتني أبلغ البوليس.. واخدتك وهربنا منه"
وش كيم كشر.. بصت لدايفيد.. وبعدين رجعت بصت لي.. بقها كان مفتوح بس مش بتتكلم.. دايفيد هز راسه وهو بيتصرف على أساس إني أهانته وقال "يا حرام.. الست الموهومة دي بتقول أي اتهامات وهي معندهاش
زعقت له "انا معايا المحضر اللي عملتهولك من 14 سنه.. ووجودك هنا واقف قدامي بعد ما اخترعت حكاية المنحة المزيفة دي عشان بس توصل لبنتي"
ابتسامة دايفيد اختفت.. وسلوكه كله اتغير مرة واحده.. الدفء والثقة مبقوش موجودين.. بدالهم بقى في حاجة بارده.. صوته اتغير وقال "كان المفروض تفضلي مستخبيه"
قولت له "انا مش هستخبى تاني.. انا هعمل لك محضر تاني"
وشه احمر وقال "محدش هيصدقك.. عمرهم ما هيصدقوكي.. كلمتك قصاد كلمتي.. وبص عليا.. " ساعتها شاور على بدلته وعلى جزمته الغاليين وقال "تفتكري هيصدقوا مين فينا؟"
القاعة كلها كانت متجمده بيتفرجوا علينا.. كيم كمان وهي ماسكه الورد بتاعها وبتتفرج على اللي بيحصل..
دايفيد أتكلم تاني وهو على بعد كام سم من وشي وقال "انتي فاكره نفسك ذكية؟ انتي متعرفيش؟ مفيش حد بيصدق العيال"
ساعتها أخدت بالي من التليفونات.. ناس كتير كانت رافعه تليفوناتها وبتصور.. بس دايفيد ماكنش واخد باله.. كان غضبان ومش شايف قدامه..
دايفيد كمل وقال "كان لازم تفضلي هربانه.. دلوقتي أنا هكمل اللي بدأته"
ساعتها عينيه لمحت الناس.. شاف التليفونات.. وشه بقى أبيض تمامًا من الصدمة.. حاول يتكلم "ده مش.. انا ماكنش.. الموضوع مش زي ما انتوا فاهمين"
قولت له "انت مش بس مجرم يا دايفيد.. انت مجرم غبي"
كيم بعدت عنه ونزلت من على المسرح خالص.. الأمن ف القاعة مسكوا دايفيد وطلعوه من القاعة وكان بيصرخ ويقول "الموضوع مخلصش على كده"..
كيم مدخلتش
#Dodo✌️
