بعد فرح بنتي
بعد فرح بنتي بيوم واحد بس.. مديرة القاعة اتصلت بيا وقالت احنا راجعنا كاميرات المراقبة.. وحضرتك محتاجة تشوفي حاجة مهمة.. لو سمحتي تعالي لوحدك ومتقوليش لحد أي حاجة
لما وصلت ماكنتش عارفه ايه اللي هشوفه بالظبط.. بس حسيت إن قلبي وقع من مكانه.. بنتي بروك اتجوزت في يوم سبت من شهر يونيو.. المراسم كانت جميلة.. كنا عازمين 120 شخص.. القاعة بتاعة الحفلة كانت مفتوحة.. تبع مطعم كبير وفيه جنينه خاصة.. أنا اللي دفعت تكاليف كل حاجة.. 47 ألف دولار..
جوزي سابني أنا وبروك لما كان عندها 9 سنين بس.. بدون تحذير.. بدون نقاش.. مجرد ورقة سابها لي على الكومدينو جنبي كاتب فيها مش قادر أكمل والجزء بتاعه ف الدولاب كان فاضي..
ف قررت أربي بنتي لوحدي.. اشتغلت شغلانتين لمدة 12 سنة.. ماكنتش بنام.. ماكنتش باخد اجازات.. ماكنتش بعمل أي حاجة إلا الحاجات المهمة.. وحلفت إن لما اليوم اللي بنتي هتتجوز فيه يجي.. لازم يكون مثالي..
وفعلا يومها كان مثالي.. أو على الأقل أنا كنت فاكره إنه مثالي.. الحفلة كانت حلوة.. الأكل كان جميل.. الكلام اللي اتقال خلال الاحتفال خلى كل الناس تعيط من التأثر.. أول رقصة للعروسة والعريس خلتني أنا أعيط..
بروك كانت أسعد من أي مرة شوفتها فيها ف حياتي.. جوزها تايلور كان وسيم كالعادة.. عيلته مؤدبه وف حالها.. وده كان طبيعي بالنسبة لهم.. كانوا بيبتسموا ف الأوقات اللي المفروض
أم تايلور فرانسين فضلت أغلب الفرح قاعدة على ترابيزتها.. تقريبًا متكلمتش مع أي حد من ناحيتنا.. أنا مفكرتش كتير ف الموضوع.. هي دايمًا كانت بارده ناحيتي..
أول مرة قابلتها من سنتين بصت لي من فوق لتحت وقالت انتي بقى اللي ربيتيها لوحدك؟.. الطريقة اللي اتكلمت بيها حسستني إنها بتقلل مني مش بتمدحني..
يوم الحد الصبح بعد الفرح مباشرة جاتلي المكالمة.. مديرة القاعة.. ست اسمها دانا قالت في حاجة غريبة شوفناها واحنا بنراجع تسجيلات كاميرات المراقبة.. واحنا بندور على واحدة من الديكورات اللي ماكنتش موجوده.. وطلبت مني أجي لوحدي..
أخدت عربيتي وطلعت على القاعة وأنا متوقعة إن في حاجة بسيطة.. يمكن فازه مكسورة والا بقعة على مفارش الترابيزات..
دانا دخلتني مكتب ورا القاعة وعرضت قدامي التسجيل بتاع الكاميرا على شاشة كمبيوتر.. الساعة 9 و دقيقة بالظبط.. ف القاعة الكل كان مشغول بالرقص.. وبره القاعة عند ترابيزة الهدايا الممر كان فاضي..
بعدها ظهرت فرانسين.. بصت حواليها.. بصت على باب القاعة.. وراحت مباشرة على الترابيزة اللي عليها كل الهدايا.. فتحت شنطتها كانت سوده وكبيرة.. وبدأت تفتش ف الهدايا.. وتحديدًا في الأظرف الي موجوده ع الترابيزة.. واحد ورا واحد.. فتحت 9 منهم واخدت اللي جواهم.. كانت بتتصرف بهدوء وكأنها عملت نفس التصرف من قبل..
بعد ما اخدت
الموضوع كله أخد منها أقل من 4 دقايق.. دانا شغلت لي التسجيلات تاني.. ماكنش في أي لبس أو خطأ ف الموضوع.. فرانسين أم العريس سرقت فلوس من الهدايا اللي جت لبنتي في فرحها.. وفرح ابنها..
دانا قالت لي الديكور ماكنش ضايع.. كان غلط ف العد.. بس السرقة اللي حصلت دي أكيد ومش غلط.. وبصراحة أنا قولت إنك لازم تعرفي قبل ما تسلمي الهدايا للعروسة
قعدت ف مكاني ف المكتب ده لمدة 20 دقيقة.. دانا جابت لي مايه.. مقدرتش أشربها.. مقدرتش اعيط.. أنا بس قعدت وفكرت ازاي انا صرفت 47 ألف دولار عشان ادي بنتي فرح مثالي والست دي جت وسرقت منها بالمنظر ده..
رجعت بيتي وراجعت الهدايا اللي عندي واللي كان المفروض أوديهم لبنتي.. وفعلًا لقيت 9 أظرف فاضية.. وبناء على اللي قرايبي والمعازيم قالوا لي إنهم حطوه لبنتي.. تقريبًا اتسرق 2800 دولار.. اختفوا تمامًا..
مقولتش لبروك.. مش دلوقتي.. أنا اتصلت بتايلور الأول.. قولت لها محتاجة أتكلم معاك جه ف نفس اليوم بعد الضهر.. قعدته وفرجته على التسجيل اللي صورته من على الكمبيوتر ف مكتب دانا.. تايلور اتفرج مرتين.. وشه مبقاش عليه أي تعبيرات.. مقالش والا كلمة لمدة دقيقة وبعدين أتكلم وقال دي أمي
قولت له انا عارفه
سألني اخدت اد ايه؟
قولت
له حوالي 2800 دولار
قالي انا هرجعها
قولت
مشي ومعرفش ايه بالظبط اللي حصل بينه وبين امه الليلة دي بس بروك اتصلت بيا تاني يوم الصبح وهي مش فاهمه وقالت لي تايلور وامه اتخانقوا خناقة كبيرة امبارح.. هو رجع من عندها وكان غضبان جدًا ومتكلمش والا كلمة لمدة ساعتين.. ودلوقتي هي بتكلم كل الناس وبتقولهم إنك بتحاولي تقلبيه عليها.. ايه اللي حصل؟
قولت لها الحقيقة.. كل حاجة.. بروك سكتت وبعدين طلبت مني تشوف التسجيلات.. جت لي البيت ووريتها التسجيل.. كررت الفيديو 3 مرات من غير ما ترمش حتى..
ف تالت مرة وقفت الشاشة على ظرف محدد كان ف ايد فرانسين.. الظرف كان مكتوب عليه اسمه بروك بخط كبير.. بخط ايد صاحبة بروك المقربة..
بروك قالت ده من صاحبتي.. فضلت تحوش 3 شهور عشان تدينا الفلوس دي
حطيت ايدي على كتفها.. بس هي نزلت ايدي من الغضب.. مش مني.. من الموقف كله.. هي كانت غضبانه..
بروك اتصلت بفرانسين مباشرة.. مسمعتش إلا كلام بروك.. قالت لها انا شوفت التسجيل.. كله.. انتي سرقتي مننا..
أيًا كانت اللي فرانسين قالته.. بس بروك قفلت ف وشها..
تايلور رجع الفلوس بعد أربع أيام.. اداها لبروك ف ايديها.. 2800 دولار كاملين كاش.. وقال ماما قالت إنها كانت شايلاهم معاها عشان محدش ياخدهم..
طبعًا كلنا كنا عارفين إن دي مش الحقيقة.. ولحد دلوقتي فرانسين معتذرتش.
Dodo
