أختي
اختي كانت قاعده مش على بعضها طول العشا ف بيت أهلي.. لحد ما وقفت وعلى وشها نظرة كنت عارفاها كويس.. النظرة اللي بتبصها قبل ما تعمل حاجة هي شايفه إنها حاجة شجاعة..
أنا كنت عارفه بالفعل هي هتقول ايه.. ف الحقيقة أنا كنت عارفه من 8 أسابيع.. الموضوع بدأ لما جالي إحساس إن لوجان خطيبي بيبعد عني.. بيرد عليا ردود قصيرة.. بيلغي الخطط اللي بينا.. تليفونه دايمًا مقلوب على وشه..
ف البدايه كنت فاكره انه عنده مشكله بس لما ركزت لقيت انه ده ماكنش سلوكه لوحده.. اختي كمان كانت بتعمل تصرفات مريبه ف نفس التوقيت..
كان ممكن ساعتها أروح أسأله.. كان ممكن أفتش ف رسايله.. بس بدل ما أعمل كده روحت لأختي.. مش عارفه كان اختبار والا إحساس عايزه أتأكد منه جوايا..
قولت لها "انا حاسه إن أنا ولوجان خلاص علاقتنا بتخلص".. كنا يومها بنشرب القهوة سوا.. وحكيت لها "انا حاسه إني مبقتش حاسه بيه زي الأول"
مسكت ايدي جامد وقالت لي "معلش يا حبيبتي معلش.. أنا عارفه إن ده شيء مش سهل أبدًا" كلامها كان طبيعي بس كان في حاجة غريبة في نظرة عينيها.. نظرة حماس.. نظرة سعادة!!
ف خلال أسبوع واحد أختي كانت بتبعت بشكل مستمر لخطيبي عشان "تطمن عليه" وفي خلال شهر واحد
ما واجهتش حد فيهم.. أنا استنيت بس.. هفهمكم حاجة عن الخيانة.. الخيانة تكسرك بس لو كانت مش متوقعة.. لكن أنا بقالي أسابيع متوقعة.. شوفت اختي وهي بتتجرأ أكتر مع خطيبي.. شوفت خطيبي وهو بيتورط ف العلاقة وبيبقى مهمل ليا أكتر..
و ف ليلة شوفت تليفونه مفتوح ولقيت عليه رسايلهم وإيموجي القلب على كل حاجة وكلام زي "وحشتني أوي".. "مش قادر استنى عشان أشوفك"..
قريت كل الرسايل بينهم.. وحاجة جوايا حصلت.. حاجة غريبة.. حسيت بالحرية.. كأني أخدت إذن إني أسيب العلاقة دي بدون ما أحس بالذنب.. قضيت الشهر اللي بعد الليلة دي بفك نفسي واحدة واحدة منه..
كنت بنقل حاجتي من الشقة حاجه حاجه.. عشان ميلاحظش.. اجرت شقة لنفسي.. قولت لصاحبتي المقربة.. قولت لأمي وطلبت منها متقولش أي حاجة.. مفكرتش أكلم أختي.. مفكرتش أكلم لوجان..
قبل يوم عزومة العشا عند أهلي بأسبوع أختي أخدتني على جنب وقالت لي "انا عندي حاجة مهمة عايزه أقولها للعيلة" كنت عارفه بالظبط هي عايزة تقول ايه.. قولت لها "تمام.. قولي اللي انتي عايزاه يوم الحد الجاي ع العشا"..
قالت لي "ممتاز" حضنتني وشكرتني عشان بدعمها.
يوم العشا روحت انا ولوجان عشان مكناش انفصلنا رسمي لسه.. اختي وقفت فجأة وقالت "انا ولوجان اتخطبنا".. اختي قالتها وكأنها قررت ترمي ق.ن.بله في نص السفرة.. كأن كل اللي قاعدين المفروض ينفجروا فيها..
كملت بتبرير وقالت "احنا مكناش بنخطط إن ده يحصل.. بس احنا بنحب بعض" بعدها بصت لي.. دي كانت اللحظة اللي هي مستنياها..
كانت مستنيه الانهيار.. الدموع.. الخناقة اللي هتحصل.. بس بدل من كل ده انا صقفت.. مش بسخرية.. كانت صقفة راحه.. وقولت "يااااا الله.. الحمد لله.. بجد أخيرًا قولتي.. انا كنت مستنياكي تعلني من بدري"
كل اللي كانوا موجودين كانوا ساكتين تمامًا.. الشوكة اللي بابا كان ماسكها كانت متجمده ف نص المسافة بين الطبق وبقه.. ماما كانت مبحلقة مرمشتش حتى..
اختي كانت بتبص لي وكأني بقيت براسين.. وسألتني باستغراب "انتي مش زعلانه؟"
قولت لها "ليه؟؟ ما اللي خدته القرعة.. انا ولوجان انفصلنا من أسبوعين"
لوجان كان موجود وشوفته بيجز على سنانه.. ماكنش عارف إني قولت لأي حد لسه.. كملت كلام وقولت "انا نقلت حاجتي من
اختي اتكلمت بصوت مهزوز "كنتي عارفه؟"
رديت عليها "أنا جيت وكلمتك وقولت لك إن حاسه إن علاقتنا بتخلص.. كنت عايزة اعرف هتعملي ايه.. وانتي عملتي بالظبط زي ما كنت متصورة"
ماما ساعتها اتنحنحت وكأنها عايزه تطلع الكلام واضح وقالت لها "اختك قالت لي من 6 أسابيع.. وطلبت مني مقولش.. كان نفسي تطلع غلطانه.. أو حد منكم انتي أو هو يعترف"
اختي فضلت تبص ليا وتبص لماما وبعد كده قالت "يعني العشا ده كله"
قاطعتها وقولت لها "كان فكرتك انتي.. انا بس وافقت على اللي انتي قولتيه"..
بعدها قمت وقفت واخدت شنطتي وقبل ما أمشي وجهت كلامي لأختي "عقد الشقة دلوقتي بقى باسمكم انتوا الاتنين.. وكمان أقساط العربية.. وأيًا كان ديون الكريدت بتاعته اللي مقالكيش عليها لسه"
لوجان كان باصص ف الأرض مش قادر يجيب عينه ف عيني.. وجهت له الكلام وقولت له "استمتع"
بوست ماما وقولت لها "شكرًا ع العشا" ومشيت..
بعد 6 شهور اختي ولوجان اتجوزوا.. واتطلقوا في خلال سنتين.. ودلوقتي أختي دايره على العيلة كلها تلومني إني "خربت حياتها عشان محذرتهاش من لوجان"..
انا مخربتش أي حاجة.. انا بس بطلت أقف
Dodo
