ماما كانت مهووسة بالهلوين
ماما كانت مهووسة بالهالوين.. وبتحب تخوفني كل سنه.. بتصحيني يوم الهالوين على فطار فيه صوابع أو ودان مزيفه.. أو بقع دم من أوضتي للحمام.. وفي سنه حطت لي تعبان حي في سريري.. حرفيًا أنا صحيت لما بدأ يمشي على وشي..
على الرغم من إنها كانت بتخوفني طول الوقت.. بس أنا كنت بحبها لأنها كانت أروش أم على الإطلاق.. كانت معروفة في المدينة على إنها الست المجنونه بالهالوين.. اللي بتلبس هدوم وتعمل ديكورات في بيتها كل سنه أحلى من اللي قبلها..
جيرانا كانوا بيكرهوها عشان كل سنه في شهر أكتوبر ماما بتعرف تاخد الاهتمام كله.. وبيوتهم بتبقى شكلها ممل بالمقارنة ببيتنا..
السنه دي قررت إني أرد لها كل المقالب اللي عملتها فيا.. بقالي 3 سنين بخطط لليوم ده.. كنت عارف بالظبط إيه اللي هيرعبها..
يوم 30 أكتوبر سهرت طول الليل بجهز كل حاجة في أوضتي.. عملت عروسة بالحجم الطبيعي.. شبهي بالظبط.. استخدمت فيها هدوم قديمه ومخدات وورق جرايد.. ثبتت حبل نازل من مروحة السقف الي في أوضتي.. وعلقت العروسة وكأنها مشنووووووقه...
يوم عيد الهالوين الصبح جه.. وسمعت صوت خطوات ماما وهي جايه على الأوضة أكيد عشان تخضني زي كل سنه..
كنت سامعها بوضوح في الممر قدام الأوضة.. هي طبعًا كانت بتحاول متعملش صوت.. بس الحماس كان بيخلي خطواتها تقيله ومسموعة..
وقفت ورا باب أوضتي مستنيها تدخل.. مسكت نفسي عشان ميطلعش مني أي صوت.. ماما جت فتحت الباب بسرعة.. كانت لابسه زي
ساعتها شافت العروسة المتعلقة بالحبل.. وجسمها كله اتشنج.. الماسك وقع من على وشها.. وصرخت أعلى صرخة سمعتها في حياتي.. صرختها كانت عالية جدًا لدرجة إن كلب الجيران بدأ يهوهو زي المجنون..
ساعتها نطيت من ورا الباب وانا بضحك وبقول عملتها فيكي..
بس ماما ماكنتش بتضحك.. كانت ماسكه صدرها ومش قادرة تاخد نفسها.. بتنهج كأنها لسه مخلصة الجري في سباق.. وشها كان بيتحول للون رمادي غريب.. ومبقتش متوازنه ف رجعت بضهرها ف اتجاه دولابي..
ندهت عليها ماما وانا بحاول أروح ناحيتها.. سألتها تاني انتي كويسه؟
ساعتها وقعت على الأرض وهي لسه ماسكه صدرها وعينيها كانت مفتوحة على الأخر بس مش بتبص على حاجة.. نزلت على الأرض جنبها.. هزيتها من كتافها.. بس هي مستجابتش..
أيدي كانت بتترعش جدًا لدرجة إني بالعافية اتصلت ب 911..
موظفة 911 911 ايه الحالة الطارئة بتاعتك؟
قولت لها وانا بصرخ اعتقد ماما جالها أزمة قلبية.. مش بترد عليا.. وماسكه صدرها
الموظفة قالت ماشي يا حبيبي.. انا عايزاك تبقى هادي.. اسمك ايه؟
رديت بيرسي باينام..
الموظفة سألت ساكن فين؟
قولت لها عنواني.. الموظفة سكتت شوية وبعدين كملت المكالمة بس بطريقة مختلفة تمامًا.. طريقتها اتحولت من القلق.. للإنزعاج تقريبًا..
الموظفة سألتني بيرسي باينام.. هي مامتك ليندا بينام؟
قولت لها أيوه.. لو سمحتي ابعتي أي مساعدة
الموظفة
كنت مستغرب لأن صوتها كان متغير.. كملت كلامها وقالت حط ايديك الاتنين على صدرها واضغط جامد
عملت زي ما قالت لي.. كنت بقلد اللي شوفته قبل كده ع التلفزيون.. بعد حوالي 30 ضغطه سمعت صوت بشع.. صوت حاجة بتتكسر.. وايدي دخلت جوه صدرها أكتر..
صرخت وانا بقول في حاجة غلط.. انا سمعت حاجة بتتكسر
الموظفة ردت ببرود انت بوظت الدنيا.. يا غبي.. انت كسرت ضلوعها.. ودلوقتي هيخرموا القلب.. امك هتموووت وده غلطك لوحدك..
قولت لها بفزع ايه؟ قولي لي اعمل ايه؟
الموظفة ردت متلمسهاش تاني.. انت كده عملت ضرر كفاية.. في ناس هتيجي تشيل الجثة في خلال 30 دقيقة
بعدها قفلت في وشي المكالمة.. كنت قاعد باصص على تليفوني وانا في حالة صدمة تمامًا.. ماما كانت نايمة في مكانها مش بتتحرك.. وانا كسرت ضلوعها.. كنت بعيط جامد وانا بتصل تاني بالطوارئ.. ايدي بتترعش..
موظف الطوارئ 911 ايه هي الحالة الطارئة؟
الصوت المرة دي كان مختلف عن الصوت الأولاني..
رديت قولت ماما عندها أزمة قلبية.. وأخر موظفة طوارئ ردت عليا قالت لي أوقف محاولة إنعاشها لأني موتها.. ف وقفت
الموظف قال بخضه ايه؟؟ لا متوقفش.. كمل.. كمل ضغط على صدرها حالًا.. ليه ممكن حد يقولك وقف؟
قولت له هي قالت إني كسرت ضلوعها
قاطعني الموظف وقال بس ده طبيعي
أثناء الإنعاش.. كمل وانا هبعت لك عربية إسعاف حالًا.. هيبقوا عندك في خمس دقايق.. بس متوقفش ضغط
رجعت تاني وبدأت
كان معاهم كل الأدوات.. بعدوني عن ماما واشتغلوا فورًا بالأدوات دي على ماما.. واحد حط لازقات على صدرها وزعق وسعوا قبل ما يعملوا لها إنعاش بالكهربا..
كنت شايف جسمها بينط من على الأرض.. كرروا الطريقة دي 3 مرات لحد ما واحد منهم صرخ وقال رجعناها..
لما كانوا بيحطوا ماما في عربية الإسعاف.. واحد من المسعفين سألني ايه اللي حصل مع موظفة الطوارئ الأولانية؟
حكيت له كل حاجة.. وشه بقى أسود وهو بيقولي الموظفة دي حاولت تقتل أمك.. انت انقذت حياتها لما اتصلت تاني
اتضح بعد كده إن الموظفة الأولى في الطوارئ.. كانت جارتنا تيفاني اللي على بعد بيتين مننا..
هي قدرت تميز العنوان لما قولتهولها.. وكانت عايزة تسيب ماما تمووووت عشان كانت بتكرهها بسبب زينة الهالوين.. واد ايه البيت وماما بياخدوا اهتمام من كل الناس في المدينة كل سنه..
البوليس قبض على تيفاني.. في نفس اليوم من مقر شغلها في وحدة الطوارئ.. اتحكم عليها ب 30 سنه سجن لمحاولة القتل..
ماما خفت تمامًا.. بس من ساعتها عمرها ما حاولت تخوفني تاني.. كانت بتقول مفيش أي حاجة مرعبة أكتر من إني كنت هموت على أرضية أوضته..
ودلوقتي رسميًا انا كسبت مسابقة مين اللي
Dodo
